AQŞning 45-prezidenti Donald Tramp lavozimidan ketişidan bir kun avval, 2021 yil 19 yanvarda Özbekistonga aloqador bir hujjatga imzo çekdi. Ijro uçun şart hisoblanuvçi prezident vakolatlari doirasida qabul qilingan, hozirda arxivga tuşgan, Tramp davri ma'lumotlari vebsahifasidagi farmon töliq şaklda «Özbekistonda xizmatni ötagan faxriylarga vasiylik qiliş töğrisida» deb nomlanadi.

Unda D.Tramp Qöşma Ştatlarda bu masala böyiça şuğullanuvçi, mas'ul va alohida idoralar – Faxriylar masalalari vazirligi va Mudofaa vazirligiga Özbekistonning Qarşi-Xonobod aerodromida maxsus harbiy xizmatni ötagan öz askarlarini jangovar amaliyotlar öçoğida iştirok etib qaytgan uruş faxriylari maqomiga tenglaştiriş AQŞ yuridik hujjatlari va qonunçiligi böyiça naqadar muvofiq ekanligini körib çiqiş vazifasi yuklatilgan.

Şuningdek, unda buyruq qabul qilingan kundan boşlab 365 kun mobaynida AQŞ Mudofaa vazirligiga Amerika Qurolli kuçlari a'zolari joylaştirilgan Özbekistondagi baza atrof-muhiti tufayli safarbar etilganlarning toksik ta'sirlanişlariga doir masalalar böyiça sinçkovlik bilan suriştiruv ötkaziş, tadqiqot xulosa va natijalari umumlaştirilgan hisobotni esa Faxriylar masalalari vazirligi orqali prezidentga taqdim etiş topşiriği qöyilgan.

Qarşi-Xonobod harbiy bazasi

Örganiş böyiça hisobot öz içiga quyidagi ikki asosiy jihatni qamrab olişi lozimligi belgilangan:

1) 2001 yil 1 oktyabrdan to 2005 yilning 31 dekabriga qadar bölgan davrda aviabazadagi şaroitga batafsil baho beriş, şu jumladan, uşbu davrda havo bazasini ifloslantirgan har qanday toksik moddalarni aniqlaş, toksik moddalarning aniq joylari va ta'sir qilişning yaqin, örta, uzoq muddatlari, toksik moddalarga duçor bölgan harbiy xizmatçilar va ularning holatlarini örganiş.

2) Zikr etilgan davrda soğliq uçun zarar asoratlarini epidemiologik nuqtai nazardan puxta örganiş, orttiriş taxmin qilinuvçi xastaliklar taşxisiga aynan harbiy xizmat va uning muhiti sabab bölgan yoxud bölmaganini ilmiy asoslangan holda aniqlaş maqsad qilib körsatilgan.