Qanday mahsulotlarning sanitariya-epidemiologik jihatdan muvofiqligi tekshiriladi?

Vazirlar Mahkamasining «O‘zbekiston Respublikasida muvofiqligi tasdiqlanishi lozim bo‘lgan muvofiqlikni baholash obektlari ro‘yxatlarini tasdiqlash to‘g‘risida»gi qarori qabul qilindi. Bu haqda Norma xabar bermoqda.

Mahsulot, ishlab chiqarish jarayonlari, xizmatlar, menejment tizimlari, akkreditatsiya olishga talabgor yuridik shaxslar, muvofiqlikni baholashda xodim sifatida ishtirok etishga talabgor bo‘lgan mutaxassislar, shuningdek inspeksiya nazorati o‘tkazilishida muvofiqlikni baholash organlari muvofiqlikni baholash obektlari hisoblanadi.

Quyidagilar muvofiqlikni baholashning asosiy vazifalari hisoblanadi:

• inson hayoti va salomatligi, yuridik va jismoniy shaxslar hamda davlat mol-mulkining xavfsizligini ta'minlash;
• atrof-muhitning muhofaza qilinishini, shuningdek tabiiy resurslardan oqilona foydalanilishini ta'minlash;
• mahsulot, ishlab chiqarish jarayonlari, xizmatlar, menejment tizimlari, xodimlar NHH, shuningdek texnik jihatdan tartibga solish sohasidagi normativ hujjatlar talablariga muvofiqligini tasdiqlash;
• akkreditatsiya sohasida belgilangan ishlarni bajarishda muvofiqlikni baholash organlarining vakolatlarini tasdiqlash.

 Qaror bilan quyidagilar tasdiqlandi:

• Majburiy ekologik sertifikatlanishi lozim bo‘lgan mahsulotlar va chiqindilar ro‘yxati;
• Davlat veterinariya xizmati nazorati ostidagi mahsulotlar ro‘yxati;
• Sanitariya-epidemiologik xulosaga mos keladigan mahsulotlar ro‘yxati;
• Texnik jihatdan tartibga solish sohasidagi normativ hujjatlar talablariga muvofiqligi tasdiqlanishi majburiy bo‘lgan mahsulotlar ro‘yxati.

«O‘zstandart» agentligiga texnik jihatdan tartibga solish sohasidagi vakolatli davlat organlari bilan birgalikda muvofiqlikni baholash lozim bo‘lgan mahsulotlar nomenklaturasini doimiy ravishda takomillashtirish choralarini ko‘rish topshirildi.