Shuningdek, hududlarda yangidan 25 ta bolalar va o‘smirlar sport maktablari ochiladi.
«Mazkur sport muassasalarida 300 dan ortiq sport seksiyalari tashkil etilib, ularga 30 mingdan ziyod yoshlarni qamrab olish choralari ko‘riladi», – deyiladi bosh vazir o‘rinbosari Aziz Abduhakimov taqdim etgan jismoniy tarbiya va sport sohasiga oid 2021 yilgi rejalar to‘g‘risidagi ma'lumotda.
Qayd etilishicha, yangi o‘quv yilidan boshlab 1 000 ta umumta'lim maktabida 18 soatlik reja asosida shaxmatga o‘qitish joriy etiladi va sportning bu turiga qo‘shimcha ravishda 25 ming nafar o‘quvchi jalb qilinadi.
2021 yilda, shuningdek, 10 mingta maktab 5 mln so‘mlik, 6 mingta bog‘cha 3 mln so‘mlik, jami 62 mlrd so‘mlik 9 turdagi birlamchi sport jihozlari bilan ta'minlanadi.
Sport maktablari esa 62 mlrd so‘mlik 101 turdagi sport anjomlari bilan jihozlanadi.
