O‘zbekiston tashqi ishlar vaziri Hindistonga boradi

O‘zbekiston tashqi ishlar vazirining Hindistonga bo‘lajak amaliy tashrifi to‘g‘risida ma'lumot berildi.

2021 yilning 25 fevral kuni O‘zbekiston tashqi ishlar vaziri Abdulaziz Komilov Hindistonga amaliy tashrif bilan boradi.

O‘zbekiston Tashqi ishlar vazirligi xabariga ko‘ra, uchrashuvlar va muzokaralar chog‘ida O‘zbekiston-Hindiston munosabatlarining siyosiy, savdo-iqtisodiy, investitsiyaviy, transport-logistika va boshqa sohalardagi holati hamda ularni yanada mustahkamlash istiqbollarini muhokama qilish rejalashtirilgan.

Turli darajadagi bo‘lajak uchrashuvlar, qo‘shma tadbirlarni o‘tkazish muddatlari bo‘yicha fikr almashiladi, deyiladi xabarda.

Avvalroq, 23 fevral kuni, amaliy tashrif bilan Kobul shahriga kelgan Abdulaziz Komilov Afg‘oniston prezidenti Ashraf G‘ani tomonidan qabul qilingandi.