11:34 / 16.03.2021
8389
«Ўзстандарт» яна бир ўйинчоқ бўйича огоҳлантириш билан чиқди

“Ўзстандарт” агентлиги ёш оналарга яна бир пластик ўйинчоқ ҳақида огоҳлантириш билан чиқди.

Қайд этилишича, маҳсулот номи Music Lollipop бўлиб, ишлаб чиқарувчи давлат - Хитой. Хавф тури: бўғилиш. Бу батареяда ишлайдиган lollipop ширинлиги кўринишидаги ўйинчоқдир.

Хавфли жиҳати - ўйинчоқ дастаги жуда узун ва ёш бола дастакни оғзига солиб тиқилиб қолиши мумкин. Маҳсулот Ўйинчоқлар хавфсизлиги тўғрисидаги кўрсатма ва тегишли Европа стандарти - EN 71-1 талабларига жавоб бермайди. 

Билдирилишича, хабарнома Полшадан тарқатилган.

Аввалроқ, “Ўзстандарт” бошқа бир ўйинчоқ тўплами бўйича огоҳлантириш билан чиққанди.

Top