Toshkentda mayiz eksporti jinoiy ish qo‘zg‘atilishi bilan yakunlandi

Yakkasaroy tumani IIO FMBdan kelib tushgan xabarga ko‘ra, 2017 yilning iyul-avgust oylarida 42 yoshli Avazxon A. tanishi, 43 yoshli Ravshan X.ga Rigaga mayiz eksport qilish orqali qisqa vaqt ichida katta daromad ko‘rishni taklif qilgan.

Toshkent shahar IIBB axborot xizmati xabariga ko‘ra, Ravshan X.dan 151 000 AQSh dollari olgan Avazxon A. pullarni o‘z ehtiyojiga sarflab yuborgan.

Qayd etilishicha, mazkur fakt asosida O‘zbekiston Respublikasi Jinoyat kodeksining 168-moddasi 4-qismi (“Firibgarlik) bo‘yicha jinoiy ish qo‘zg‘atildi.

Tergov davom etmoqda, deyiladi ma'lumotda.

Tayyorlagan: Отабек Матназаров

#firibgarlik #Yakkasaroy #mayiz