Pentagon Minuteman III raketasining navbatdagi sinovini o‘tkazadi

Sinov 5-6 may kunlari o‘tkaziladi. Raketa Kaliforniyadagi Vandenberg aviabazasidan Kvajaleyn (Marshall orollari, Tinch okeani) atollidagi poligonga yo‘naltiriladi. Raketaning parvoz masofasi 7,77 ming kilometrni tashkil qiladi.

Foto: Reuters

AQSh Minuteman III qit'alararo ballistik raketasining navbatdagi sinovini o‘tkazadi. Ma'lumot berilishicha, Tinch okeanidagi hudud fuqaro aviatsiyasi parvozi uchun yopiladi.

Sinov 5-6 may kunlari bo‘lib o‘tadi. Raketa Kaliforniyadagi Vandenberg aviabazasidan Kvajaleyn (Marshall orollari, Tinch okeani) atollidagi poligonga yo‘naltiriladi. Raketaning parvoz masofasi 7,77 ming kilometrni tashkil qiladi.

Minuteman III raketasining oxirgi sinovi 23 fevralda o‘tkazilgandi. Raketa 6,76 ming km masofani bosib o‘tib, Kvajaleyn atollida joylashgan poligondagi nishonni urgandi.

Minuteman III raketasi 12 ming km masofaga parvoz qila oladigan qit'alararo ballistik raketa hisoblanadi. AQSh har biri uchtagacha yadroviy kallak tashiy oladigan to‘rt yuz dona ana shunday raketaga ega.