15:29 / 06.05.2021
575
Суд 17 нафар фуқарони муддатидан олдин жазодан озод қилди

Жиноят ишлари бўйича Сурхондарё вилоят суди матбуот котибининг Kun.uzга хабар беришича, бугун жиноят ишлари бўйича Термиз шаҳар суди сайёр суд мажлиси ўтказган.

Суд мажлисида 17 нафар фуқарони муддатидан олдин жазодан озод қилиш масаласи кўриб чиқилган.

Ушбу 17 нафар фуқаро  Термиз шаҳар ИИО ФМБ Пробация гуруҳи ҳисобида жазо ўтаётган бўлган.

Суд инсонпарварлик тамойилига таяниб, 9 май – Хотира ва қадрлаш куни муносабати билан ҳақиқатда тузалиш йўлига ўтган 17 нафар шахсни муддатидан олдин озод қилди.

Top