Bugun, 22 may kuni Toshkentda «MAKON Marketing Forum 2021» xalqaro biznes-forumi bo‘lib o‘tdi. Unda O‘zbekiston, Rossiya, Belarus, Ukraina, Gruziya ekspertlari o‘z shaxsiy tajribalari va biznes uchun murakkab vaqtda o‘z ishlarini qanday rivojlantirish bo‘yicha maslahatlar bilan o‘rtoqlashdi.
«Forumning asosiy vazifasi – yilda bir marta real tajriba va bilimlarga ega mahalliy va xorijiy ma'ruzachilar o‘z real keyslari, o‘tgan yildagi kuzatuvlarini bizning eng faol marketologlarimiz va tadbirkorlarimiz bilan baham ko‘rishlari uchun professional maydon yaratish», – dedi Milliy marketing markazi raisi, forum tashkilotchisi Diyor Mirzaahmedov.
Forumda ma'ruzachilar chiqishlari «MAKON Marketing» YouTube-kanali orqali jonli efirga uzatib borildi.
Monopoliyaga qarshi kurashish qo‘mitasi va Milliy marketing markazi o‘tgan tadbir yakunida IV «2020 yil brendi» mukofoti g‘oliblarini tantanali taqdirlash marosimi bo‘lib o‘tdi.
To‘rtinchi yildirki, O‘zbekiston bozoridagi muvaffaqiyatli marketingi uchun o‘tgan yil davomidagi eng faol kompaniya va tashkilotlar «Yil brendi» sovrini bilan taqdirlanib kelmoqda. G‘oliblar iste'molchilar va ekspertlar orasida to‘plangan ovozlar asosida aniqlanadi.
Kun.uz sayti to‘rtinchi marta «Yangiliklar – internet saytlari» toifasida iste'molchilar talqiniga ko‘ra «Yil brendi» nominatsiyasida g‘olib deb topildi.
Ushbu nominatsiyaning forum ekspertlari talqinidagi g‘olibi deya Gazeta.uz sayti e'tirof etildi.
Ovozga qo‘yilgan brendlar 24 xil toifaga ajratilgan. Iste'molchilar o‘rtasidagi ovoz berish 16 apreldan 14 maygacha Telegram-botda o‘tkazilib, unda 200 mingdan ziyod iste'molchi qatnashdi. Parallel ravishda Milliy marketing markazi hamkorlari va ekspertlari o‘rtasida o‘tgan so‘rovda esa 160dan ziyod respondent ishtirok etdi.
O‘zbekistonda 2020 yil brendlari
Energetik ichimliklar
Iste'molchilar tanlovi: FLASH
Ekspertlar tanlovi: ADRENALIN RUSH
Shirin-gazlangan ichimliklar
Iste'molchilar tanlovi: Coca Cola
Ekspertlar tanlovi: Coca Cola
