Marg‘ilon shahrida o‘zganing xonadonidan 60 million so‘m pulni o‘g‘irlab ketgan ayol ushlandi.
Viloyat IIB Axborot xizmatining ma'lum qilishicha, 1 iyun kuni “Do‘stlik” MFYda yashovchi Yu.G. ismli ayol IIBga murojaat qilib, noma'lum shaxs uning yashash xonadoniga kirib, yotoqxonasidan 60 million so‘m pulni o‘g‘irlab ketganini bildirgan.
Olib borilgan tezkor qidiruv harakatlari davomida esa ushbu jinoyatni D.A. ismli ayol sodir etgani aniqlanib, qo‘lga olingan va jinoyat ishi ochilgan.
Avvalroq qaynonasining plastik kartasidagi pullarini o‘g‘irlagan kuyov javobgarlikka tortilgani haqida xabar berilgan edi.
