17:30 / 14.06.2021
4855
ERIELL Group: 17 йил давомида нефть сервиси бозорида

ERIELL компаниялар гуруҳи 17 йил давомида ўз фаолиятини амалга ошириб келмоқда. Ўз фаолиятини Бўзахўр номли конда бурғулаш ускунасини ўрнатишдан бошлаган компания шу йиллар мобайнида беқиёс муваффақиятларга эришди. Аста-секин кенгайиб, ERIELL Group 8 мингтадан зиёд юқори даражали мутахассисларни бирлаштирган Ўзбекистоннинг йирик нефть хизматлари компаниясига айланди.

Бугунги кунда ўзининг йўналишли хизматларини Россия, Марказий Осиё, Яқин Шарқ мамлакатлари ва бошқа минтақаларда тақдим этиб келаётган компания нефть хизматлари кўрсатиш соҳасида етакчи компаниялардан бири ҳисобланади.

ERIELL Group компанияси “Ўзбекнефтгаз” АЖ билан ҳамкорликда Ўзбекистон Республикаси Президенти Шавкат Мирзиёевнинг “2017-2020 йилларда углеводород хомашёси қазиб олишни кўпайтириш Дастурини тасдиқлаш тўғрисида”ги қарорини бажариш йўлида 2017 йилда қабул қилинган кенг кўламли дастурини жадал суръатларда амалга оширмоқда. Дастур ўз ичига янги қудуқларни бурғулаш ва мавжудларини капитал таъмирлаш, янги технологик объектлар яратиш ишларини олган. Буларнинг барчаси углеводородларни етказиб бериш, шу жумладан мамлакат учун стратегик ҳисобланган йўналишлар бўйича географиясини ҳам анчайин кенгайтиради.

Сир эмаски, қудуқларни бурғулаш ишлари юқори таваккал ва хавф-хатар билан боғлиқ. Шунинг учун, ҳамма қоида ва талабларга риоя қилиш жуда муҳим. Айнан хавфсизлик технологиялари ва чораларига қатъий риоя қилганлиги туфайли ERIELL Group ишончли ва масъулиятли бурғулаш бўйича пудратчи сифатида катта обрў-эътибор қозонди. Унинг захирасида инновацион юқори технологияли асбоб-ускуналар  ва бурғулаш техникаси, шунингдек, юклаш-юк тушириш ва бошқа махсус техникалар парки мавжуд.   

ERIELL Group'нинг техник жиҳозланиши асосини стационар, эшелонли ва мобил бурғулаш ускуналари ташкил этади. Бу ускуналар ишончли шериклар сифатида нефть-газ бозорида ишонч қозонган дунёнинг етакчи ишлаб чиқарувчиларнинг маҳсулотидир.  

Қудуқларни бурғулашда ERIELL Group ўсимлик ва ҳайвонот дунёсини сақлашнинг муҳимлигига алоҳида аҳамият беради, атроф-муҳитга эҳтиёткорлик билан муносабатда бўлади. Компаниялар гуруҳи атроф-муҳитни ифлослантиришдан сақланиш мақсадида қатъий халқаро стандартларга риоя қилади.  Чиқиндиларни камайтириш бўйича дастур корпоратив сиёсатнинг таркибий қисми ҳисобланади ва ERIELL Group'нинг сифатни бошқариш дастурига киритилган.    

Лойиҳалар амалга оширилаётган объектларда атроф-муҳитга антропоген юкламани камайтириш мақсадида компания қаттиқ чиқиндилар ҳажмини қисқартириш, уларни алоҳида тўплаш, керакли тарзда йиғиш, шунингдек, ифлосланган оқова сувлар чиқиб кетишининг олдини олиш бўйича ишларни амалга ошириб келмоқда.

Бурғулаш ишларининг атроф-муҳитга таъсирини камайтириш учун компания ишланган бурғулаш эритмаларини тиндирилган техник сув, шлам, асоси углеродли бурғулаш эритмалари учун қуритгичдан фойдаланган ҳолда тик (вертикал) центрифугаларни тозалашнинг беш поғонали тизими ва бошқа экологик тоза технологияларга ажратадиган коагуляция ва флокуляциянинг қўшимча блокларидан фойдаланган ҳолда омборсиз бурғулаш усулидан фойдаланади. 

Кўплаб лойиҳаларни сифатли бажариш ва амалга ошириш ишларидан ташқари, ERIELL Group хайрия фаолиятида ҳам фаол иштирок этади. 2020 йилда компаниялар гуруҳи Бухоро вилоятида кучли бўрондан талафот кўрган оилаларга молиявий ёрдам кўрсатди. 61 та оила кучли шамол оқибатида бузилган уйларни тиклаш учун маблағ олди. Шу йилнинг ўзида компаниялар гуруҳи Тошкентдаги Ногиронларга ўзаро ижтимоий ёрдам жамғармасининг иккита бўлинмасида пандемия даврида турмуш шароити оғир аҳоли қатламларини қўллаб-қувватлашга қаратилган хайрия тадбири ўтказди.  

Сирдарё вилоятидаги Сардоба сув омборидаги ҳалокат оқибатида ўнлаб оилалар бошпанасиз ва зарур анжомларсиз қолди. ERIELL Group ходимлари бу техноген ҳалокат оқибатларини бартараф этиш ишларидан четда қолмай, рўзғор учун зарур анжомлар, шунингдек, пул маблағлари тўплаб бердилар.

ERIELL Group фаол турмуш тарзи ва спортни ривожлантириш тарафдоридир. Компания Ўзбекистон хоккей федерацияси, Ўзбекистоннинг Humo хоккей клуби ва Москванинг “Спартак” хоккей клуби ҳомийси ҳисобланади. ERIELL – минтақа хоккей лигасининг бош ҳомийси ва шериги ҳамдир.

Наврўз байрами муносабати билан ўтказилган хайрия экологик акцияси доирасида ERIELL Group томонидан Тошкент шаҳар ҳокимияти кўмагида Олмазор туманидаги “Ғалаба боғи”да 200 та дарахт экилди.  Акцияда компаниянинг 60 дан ортиқ ходими ўз фарзандлари билан иштирок этди. Компания томонидан экиш учун чинор, эман ва каштан дарахтлари кўчатлари танланди.

Шунингдек, акцияда ERIELL'нинг Қарши шаҳридаги ходимлари ҳам иштирок этди. Улар ўз маблағлари ҳисобига Қарши шаҳридаги “Мурувват” уйи ҳудудида 20 та япон сафораси кўчатларини экди.

ERIELL Group Иккинчи жаҳон уруши воқеалари ҳақидаги хотираларни ҳам эъзозлайди. Ҳар йили компаниялар гуруҳи ходимлари фахрийларни байрам билан табриклайди, уларга ўз эҳтироми ва ҳурматини билдиради.  

Улуғ Ватан урушида қозонилган Ғалабанинг 76-йиллиги арафасида ERIELL Group анъанага кўра, Қашқадарё вилояти фахрийларини байрам билан табриклади.  

ERIELL Group вакиллари Ўзбекистон Республикаси Мудофаа вазирлиги иштирокида Қашқадарё вилоятида истиқомат қилаётган 22 нафар фахрийни зиёрат қилди. Ҳарбий оркестр чиқиши ва байрам дастури барчага байрамона кайфият улашди.

2021 йил ёз ойида Ўзбекистон Республикаси Энергетика вазирлиги томонидан ERIELL Group билан ҳамкорликда Халқаро болалар куни муносабати билан SuperLeo хайрия тадбири ташкил этилди. Мазкур лойиҳа, мактабгача ёшдаги бўлган болаларни энергия ресурсларини тежаш ва табиатга эҳтиёткорлик билан муносабатда бўлиш қоидаларига ўргатишга қаратилган.

Жорий йилнинг 1 июнь куни ERIELL Group ва Ўзбекистон Энергетика вазирлиги вакиллари Миллий болалар тиббиёт марказида бўлиб, “Юксалиш” умуммиллий ҳаракати ва “Эзгу амал” жамоатчилик ташкилоти билан биргаликда онкология бўлимининг жажжи беморларини табриклади. ERIELL Group Миллий болалар тиббиёт марказига зарур дори-дармонлар сотиб олиш ва гемато-онкология бўлимидаги болалар хонасини жиҳозлаш учун 50 миллион сўмлик сертификатни топширди.

ERIELL Group эришилган натижаларда тўхтаб қолмай, ўз фаолиятига илғор технологияларни жорий этмоқда, техника паркини кенгайтирмоқда ва юқори малакали мутахассисларни жалб қилмоқда. Компания бундан кейин ҳам бошқа ташкилотлардаги ҳамкорлари саъй-ҳаракатларини бирлаштирган ҳолда ижтимоий муҳим ташаббусларни қўллаб-қувватлашда давом этади.  

ERIELL Group – бу нафақат қудуқларга хизмат кўрсатиш ва уларни лойиҳалаштириш билан шуғулланадиган компания, балки катта аҳил оила ҳисобланиб, унинг ҳар бир аъзоси умумий ишни ривожлантиришга ўз ҳиссасини қўшибгина қолмай, унга бутун қалбини жо қилади. Бугунги байрам – севимли ERIELL Group равнақи йўлида меҳнат қилаётган ҳар бир ходим учун муҳим воқеадир.

ERIELL Group матбуот хизмати Ⓣ

Top