Farg‘ona davlat universiteti Vengriya universiteti bilan hamkorlik qiladi

Toshkent irrigatsiya va qishloq xo‘jaligini mexanizatsiyalash muhandislari institutida O‘zbekiston Respublikasi Oliy va o‘rta maxsus ta'lim vazirligi va Vengriyaning O‘zbekistondagi elchixonasi hamkorligida O‘zbekiston va Vengriya rektorlarining ilk forumi bo‘lib o‘tdi.
       
30 ga yaqin nufuzli oliy ta'lim muassasasi rektorlari ishtirokida o‘tgan mazkur forumda Farg‘ona davlat universiteti rektori, pedagogika fanlari doktori  -  Bahodirjon Shermuhammadov va Vengriyaning Eötvös Loránd Tudománegetem (ELTE) universiteti professori Imre Xamar o‘rtasida o‘zaro hamkorlik memorandumi imzolandi. 

        
Endilikda yangi hamkorlar ikki mamlakat o‘rtasida qo‘shma diplomlar berish imkoniyatiga ega bo‘lgan qo‘shma ta'lim dasturlarini yaratish, Vengriya OTM bazasida o‘qituvchilarning malakasini oshirish, qo‘shma ilmiy nashrlar, talabalar va o‘qituvchilar almashinuvini yo‘lga qo‘yish, shuningdek, Vengriya universitetlari bilan kimyoviy texnologiyalar, energetika, mashinasozlik, sanoat texnologiyalari, biotexnologiya, sug‘orish va suv resurslari, qishloq xo‘jaligi, tibbiyot, farmakologiya, farmatsevtika sohalarida hamkorlik o‘rnatish va rivojlantirish masalalari ustida muhokamalar olib boradi.