Jizzaxlik fuqaro turmush o‘rtog‘ini qasddan pichoqladi

Jizzax viloyati Mirzacho‘l tumanida yashovchi fuqaro o‘z turmush o‘rtog‘ini qasddan o‘ldirish maqsadida, oshxona pichog‘i bilan unga tan jarohati yetkazdi. Bu haqda Jizzax viloyati prokuraturasi ma'lum qildi.

2021 yil 12 iyul kuni soat 13:00 larda fuqaro Jizzax viloyati Mirzacho‘l tumanida yashovchi I.U. spirtli ichimlik ta'sirida mast holatda bo‘lgan holda ota-onasi bilan birga fermer xo‘jaliklarining biriga qarashli dala shiyponi yotoqxonasida yashayotgan turmush o‘rtog‘i T.P.ni qasddan o‘ldirish maqsadida borgan. Bu haqda Jizzax viloyati prokuraturasi ma'lum qildi.

U o‘zi bilan olib kelgan oshxona pichog‘i bilan xotinining chap o‘rta qo‘ltiq ko‘krak qafasiga ikki marta, chap yelka sohasiga ikki marta va chap bilak sohasiga bir marta urib tan jarohati yetkazganligi oqibatida T.P tuman tibbiyot birlashmasi jonlantirish bo‘limiga yotqizilgan.

Mazkur holat yuzasidan Mirzacho‘l tuman prokuraturasi tomonidan I.Uga nisbatan Jinoyat kodeksining 25,97-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.