“Yutişning bitta yöli – öynamaslik” - totalizator qurbonlari

Ötgan 8 oy içida qarz sörab bormagan biror yaqin odamim qolmadi. Ha desa öğlimni öqişiga kerak bölib qoldi deyman yoki birovdan qarz olgandim, şuni qaytarmoqçi edim, deyman – öyinga beriliş har kimga har qanday yolğonni töqib bölsa-da, pul undirişga olib kelardi. Eng yomoni hatto öğlimning kontrakti uçun yiğib kelgan pulimni ham şu öyinga tikib yutqazib qöydim.

Akalarim menga nima bölayotganini tuşunmasdi, oilamga heç bunday köp pul sarf bölişini anglay olmay halak edilar. Mening ruhiy holatimda ham özgariş sezilardi, toqatsizlik, gap kötarmaslik, jazava – bular menda ötgan ilk holatlar edi.

Bir yoqdan oilamda farzandlarim tarbiyasi qarovsiz, bir yoqdan iş joyimda ham tayin yöq, tinimsiz janjallaşar, har ön kunda yangi joyga köçar edim. Gulday hunarim orqali topganimda baraka yöq, qölimga pul tuşgan kun borki “stavka” qilişga şoşardim.

Bu öyin haqida bilmagan odam uni şunçalik sehrli narsamidiki öynamasdan şart töxtatib qöya qolmasa, deyişi mumkin. Bilmadim, balki ba'zi odamlar bordir, bir marta yutqazib bore deb taşlab ketadigan. Lekin menda bir tomondan mağlub bölmaslikka içki isyon, ikkinçi tomondan şunça yutqazgan pullarimni qaytarib oliş tuyğusi yana va yana öyinni öynaşga undardi. Baribir yutaman, deb öylardim. Afsuski... menga öxşaganlar oz bölmasa kerak.

Qaytiş. Meni şu öyinni öynaşdan qaytargan kun va öşa kun röy bergan voqea uçun behad şukronalar aytaman. Çunki özim uçun kulminatsiya nuqtasiga kelib bölgandim. Garçi ayol boşim bilan bölsa-da, pul topiş uçun turli qinğir yöllar xayolimga kelardi, menimça, ayni şu holat mening kulminatsiyam edi. Ortiq bu davom etişi kerak emasdi.

Şu xayollar içida yurarkanman, yana bir oğir muşkulot ostida qoldim. Kiçik qizimni çorrahada maşina turtib ketişi tufayli koma holatiga tuşdi va reanimatsiya bölimida naq 10 kun öziga kelmadi. Bölib ötgan bu mudhiş iş uçun özimni aybladim: köp odamdan qarz olib bermay yurganim, qolaversa, men pul tikayotgan öyinlarda qatnaşiş oğir gunoh ekanini eşitib çuqur ğamga botdim. Har kun, har soat Allohdan yolvorib söradimki, farzandim oyoqqa turib ketsa, bu nomaqbul işlarni töxtataman... Qizim közini oçgan kun esa mening ham yangi hayotga qaytgan kunim bölib qoldi.

Umumiy hisobda 100 mln söm atrofida yutqazdim, garçi özim ham köp miqdorda yutgan bölsam-da, bu pullarning yarmidan köpi hamon böynimda qarz bölib osiğliq turibdi. Bundan taşqari, bolalarim rizqi bölgan bu pullarni qimorga tikkanimdan juda afsuslanaman. Oxiri kelib şunça pul yutqazişimni bilsam öynamasmidim deya öylab qolaman.

Totalizator birinçi navbatda iymonni, keyin odamlarga işonçni sustlaştiradi, yaqinlarga munosabat yomonlaşadi, bolasi bölsa ularning tarbiyasiga e'tiborsiz bölib qoladi, faqatgina bir narsa – nima qilib bölsa-da pul yutiş MAQSADga aylanib qoladi.

***

“Öyin içiga kirgan odam oldinga qança yugurmasin, ortga qarab ketaveradi”

— Totalizatorga qiziqib öynaşni boşlaganimga 5 yilça böldi. Birinçi marta Çempionlar ligasidagi markaziy bir öyinga tanişim pul tikayotganini körib, men ham 400 dollar tikdim. Öyin esa men taxmin qilgan natija bilan tugamadi va pulimni yutqazdim. Hammasi şundan boşlanib ketdi, yutqazgan pulimni qaytariş uçun yana öynadim. Men tinmay öynar, ziyon esa tobora kattalaşar edi...

Özim asli savdo bilan şuğullanaman. Yoşim 35da, hayotda bir yigit erişişi mumkin bölgan muvaffaqiyatlarga ozmi-köpmi erişganman. Tavakkal qilişdan, yutqazişdan qörqmaslik yoşligimdan muvaffaqiyatga erişişim omili bölib kelgan. Balki, şu sabab totalizatorga juda tez berilib ketgandirman.

Men faqatgina öyinlarga “stavka” qiliş emas, kazino, ruletka kabi boşqa öyinlarga ham qiziqdim, u yerda ham yutib-yutqazib, “azart”ga kirar va şu tarzda öyin içiga kirib borar edim. Orada firibgarlik deb blokka ham tiqişdi. Blokka tiqiş sababini tuşuntirmas ekan, öyin qoidalarida köra özlari şubhali deb bilgan akkauntlarni sababini aytmasdan bloklab qöyadi.

Öyin mening nazdimda ikki qadam oldinga bir qadam orqaga bölişi kerakdek, lekin aslida öyin içiga kirgan odam oldinga qança yugurmasin ortga qarab ketaveradi. Öynar ekanman xayolimda doim bir narsa turardi: “nima bölsa ham ketgan pullarni qaytarib olsam böldi”, lekin qayoqda deysiz va öyin domiga tobora kirib boraverdim.

Öyin şunday aqlli tuzilganki, doim yutqazgan odam taşlab ketişi mumkinligi sabab “azart”ga kiritib turadi. Ba'zida 4-5 ming, bir marta 6 ming dollar yutgan vaqtlarim ham böldi. Aynan mana şu qiziqtiriş yutsa bölarkan-ku degan xayolga olib kelarkan. Uzoği bir neça kun ötib yana öyin xumori tutadi.

Bora-bora yutib olingan katta-katta summalar bir soatda yutqazilardi. Yutiş ta'mini olgan odam yutaman deb duç kelgan tanişidan qarz ola boşlaydi. Bu çarxpalak kabi takrorlanaveradi, ammo siz tobora köproq pulingizdan ayrilib borasiz. Yana avval bölgan jarayon takrorlanadi, yana va yana... Taxminim böyiça jami 50 ming dollar atrofida pul yutqazdim.

Eng alam qiladigani bu öyinda yutqazişdan ham köra yaqinlarni, oilani döstlarni yöqotiş ekan. Bir marta öynab yutqazgandan odam boşqa birovdan qarz olib yana öynaşni davom ettiradi: şuning orqasidan yaxşi döst yomonga, qadrdonlar yuzkörmas begonaga aylanadi. Yaqin ötmiş kunlarimni eslasam özimdan nafratlanib ketaman, yolğon ketidan yolğonlar töqib, döstlaridan qanday ayrilib qolganini ham bilmay qolarkan kişi.

Hozir aniq ayta olamanki, juda köp yoşlar mana şu öyin tufayli ayançli holatga tuşib qoldi. Çunki öyin insonni real hayotdan uzoqlaştira boradi, faqat yöqotilgan pullarni qaytariş dardida yaşaydi, heç kim bilan gaplaşgisi kelmaydi. Özim misolimda ayta olamanki, oilamdagilar bilan gaplaşmayman, jigarlarim bilan yuzlaşa olmaydigan ahvolga kelib qolganman.

Bu öyin odamni har narsaga qöl urişga majbur qilib qöyadi. Qarzga botib özini osiş, öğrilikka qöl uriş kabi xayollar insonni eza boşlaydi. Eng yomoni, birovning uyiga bosqinçilikka kirib, pulini olib qarzlarni yopib, nari borsa 10-15 yil ötirib çiqaman, nima bölibdi, degan fikrda töxtaş. Özini öldirganlarni ham bilaman.

Bu öyinda mutlaq yutişning bitta yöli – öynamaslik. Bir marta öynab 100 ming söm yutqazgan odam ikkinçi öynamasa, millionlarini qutqarib qoladi.

Yoşlarga va tengdoşlarimga. Bilasizmi, meni tanigan insonlar meni yutqazmaydi deb işonardi. Hatto özimga ham aytişgan: “Sen yutqazdingmi, sen-a?!”

Özingga har qança işonma, öynayapsanmi, demak yutqazişing aniq, aksinça, özingni tiydingmi, demak – sen ğolibsan döstim, ukam, oğaynim.

Öyinni bugunoq töxtat va kelajakda yutqazişing aniq bölgan pullarni, hayotingni asrab qol.

Yigitali Mahmudov tayyorladi

Yutqizilgan yillar va milliardlar. SUBYEKTIV'da totalizatorçilar hikoyasi

Ommalaşib borayotgan «giyohvandlik». Totalizatorning qanday zararli tomonlari bor?

«Qimor qaçondan oçiqçasiga reklama qilinadigan bölib qoldi?» — Andijon va Xöjaobod markazidagi totalizatorçilarga çora köriş söralmoqda