Andijon viloyatida Koreya Respublikasiga ishga yuborishni va'da qilgan firibgar ushlandi

U fuqaro ishonchiga kirib, ishga yuborishni va'da qilib, 6 000 AQSh dollarini olayotgan vaqtda ushlangan.

Bosh prokuratura huzuridagi Departamentning xabar berishicha, fuqaro Sh.N. boshqa bir fuqaroga o‘zini mehnat migratsiyasi sobiq xodimi sifatida tanishtirib, uni Koreya Respublikasiga 5 oy muddatga ishga yuborishi evaziga 6 000 AQSh dollari talab qilgan. Shundan 1 000 AQSh dollarini firibgarlik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

Avvalroq, Izboskan tumanida fermer xo‘jaligining yerini sotmoqchi bo‘lgan firibgar ushlangani xabar qilingan edi.

#firibgar #Andijon viloyati

Kun.uz yangiliklarini Google News'da kuzating

+ Obuna bo'lish