Adidas bayonotida ta'kidlanishicha, kompaniya to‘lanadigan summaning katta qismini bitim yopilishi vaqtida, qolganini esa muayyan shartlar bajarilsa oladi.
Tomonlar bitimni 2022 yilning 1-choragida yopishni rejalashtirmoqda. Adidas o‘z brendi sotilishidan qo‘lga kiritadigan mablag‘ning katta qismini aksiyadorlarni rag‘batlantirishga yo‘naltirmoqchi.
Nemis kompaniyasi Reebok’ni 2006 yilda Rockport, CCM Hockey va Greg Norman brendlari bilan birga sotib olgan. Keyinroq u ushbu brendlarni sotib yuborgan va ular uchun umumiy hisobda 400 mln yevroga yaqin pul olgan.
Adidas aksiyalari ushbu yangilikdan keyin 1,6 foizga qimmatlashdi. Ularning narxi joriy yil boshidan umumiy hisobda 5 foizga oshgan.
Authentic Brands Group 30dan ko‘proq brendga, jumladan Spors Illustrated, Brooks Brothers va Nine West’ga egalik qiladi.
