O‘zbekistonda 30 yil ichida doimiy aholi soni 13,9 mln kishiga oshgan

O‘zbekiston Respublikasida 30 yilda doimiy aholisi soni qanchaga o‘sgani ma'lum qilindi.

Davlat statistika qo‘mitasi ma'lumotlariga ko‘ra, O‘zbekiston Respublikasida 1991 yilda doimiy aholi soni 20,6 mln kishini tashkil etgan.

Qayd etilishicha, respublikaning doimiy aholisi so‘nggi 30 yil ichida 13,9 mln kishiga oshgan.

Bildirilishicha, 2021 yilning 1 yanvar holatiga ko‘ra, respublikaning doimiy aholisi soni 34,5 mln kishini tashkil etgan.

Avvalroq, O‘zbekistonda doimiy aholi soni qariyb 35 mln kishiga yetgani xabar berilgandi.

O‘zbekiston Respublikasining doimiy aholisi soni yil boshidan 301,3 ming kishiga oshgan. 2021 yilning 1 iyul holatiga ko‘ra, respublikaning doimiy aholisi soni 34,9 mln kishini tashkil etmoqda.

Doimiy aholining o‘sish sur'ati 101,9 foizga teng. Mamlakat aholisi yil boshidan har oyda o‘rtacha 50,2 ming kishiga ko‘paygan. 2021 yilning har bir kunida doimiy aholi soni o‘rtacha 1,7 ming kishiga oshgan.

#statistika #demografiya