Daraxtlarni kesishga moratoriy uzaytiriladi va javobgarlik keskin kuchaytiriladi - Prezident

Toshkent shahri va viloyat markazlarida ekologiya politsiyasi tashkil etiladi.

O‘zbekistonda daraxtlarni kesishga moratoriy 2024 yilga qadar uzaytiriladi va javobgarlik keskin kuchaytiriladi.

Preziyent videoselektorida ma'lum qilinishicha, o‘tgan 6 oyda moratoriy davrida 316 ming dona qimmatbaho daraxtlar asrab qolingan. Shu bilan birga. o‘tgan davrda 2,8 mingta qimmatbaho va 2 mingdan ziyod kam qimmatli daraxtlar noqonuniy kesilgan.

Shu bois, Toshkent shahri va viloyat markazlarida ekologiya politsiyasi tashkil etiladi.

Uning zimmasiga ekologiya sohasidagi qonunbuzarliklar, jumladan daraxtlarni ruxsatsiz kesish, brakonerlik, noqonuniy chiqindilar tashlash kabi holatlarga qarshi profilaktika vazifalari yuklatiladi.

Ekologiya politsiyasi Ichki ishlar tizimida faoliyat yuritadi.

Shu bilan birga, ekologiya sohasida qo‘llanadigan jarimalar miqdori 5 baravar, yetkazilgan zarar uchun kompensatsiya miqdori 2 baravar oshiriladi.

«Barcha rahbarlar bir narsani aniq eshitib olsin. Bundan buyon birorta «yashil hudud» va jamoat parkida har qanday daraxtlarni kesish qat'iyan taqiqlanadi», dedi prezident.

#Shavkat Mirziyoyev #moratoriy #ekologiya politsiyasi