Vazirlar Mahkamasi tomonidan «El-yurt umidi» jamg‘armasi faoliyatiga hamda ta'limga oid qonunchilik takomillashtirilganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba'zilarini o‘z kuchini yo‘qotgan deb hisoblash to‘g‘risida»gi qaror qabul qilindi.
Vazirlar Mahkamasi tomonidan «El-yurt umidi» jamg‘armasi faoliyatiga hamda ta'limga oid qonunchilik takomillashtirilganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba'zilarini o‘z kuchini yo‘qotgan deb hisoblash to‘g‘risida»gi qaror qabul qilindi.
Hujjat «Ta'lim to‘g‘risida»gi qonunga, prezidentning 11.02.2021 yildagi «Davlat xizmatchilari va mutaxassislarni xorijda tayyorlash hamda ularning salohiyatini yanada oshirish tizimini tubdan takomillashtirish chora-tadbirlari to‘g‘risida»gi PF-6168-son farmoniga hamda 11.05.2021 yildagi «Xizmatlar sohasini jadal rivojlantirish chora-tadbirlari to‘g‘risida»gi PQ-5113-son qaroriga muvofiq qabul qilingan.
Vazirlar Mahkamasi huzuridagi mutaxassislarni xorijda tayyorlash va vatandoshlar bilan muloqot qilish bo‘yicha «El-yurt umidi» jamg‘armasi Prezident huzuridagi Davlat xizmatlarini rivojlantirish agentligiga o‘tkazildi.
Birinchidan, Samarqand iqtisodiyot va servis institutining professor-o‘qituvchilarini maqsadli stajirovka orqali qayta tayyorlash va malakasini oshirish «El-yurt umidi» jamg‘armasiga yuklandi (ilgari ushbu vazifalar «Iste'dod» jamg‘armasiga yuklangan edi). Shuningdek, «El-yurt umidi» jamg‘armasi tomonidan qishloq va suv xo‘jaligi tizimidagi oliy ta'lim muassasalarining professor-o‘qituvchilarini qayta tayyorlash va malakasini oshirish ishlari maqsadli mablag‘lar hisobidan stajirovka o‘tash orqali amalga oshiriladi.
Ikkinchidan, Nodavlat ta'lim xizmatlari ko‘rsatish sohasidagi faoliyatni litsenziyalash tartibi to‘g‘risidagi nizomning 3-bandi yangi xatboshi bilan to‘ldirildi, unda oliy ta'lim va oliy ta'limdan keyingi ta'lim turlari bo‘yicha litsenziyada, shuningdek kadrlarni qayta tayyorlash va ularning malakasini oshirish hamda maktabdan tashqari ta'lim turlari bo‘yicha xabardor qilish tartibida faoliyat yuritishga qo‘yiladigan talab va shartlarda masofaviy ta'lim beradigan yo‘nalishlar va ixtisosliklar ko‘rsatiladi.
Uchinchidan, 21.08.2019 yildagi «Umumiy o‘rta ta'lim muassasalarida xorijiy tillarni o‘qitishni yanada takomillashtirish chora-tadbirlari to‘g‘risida»gi 701-son VMQning 6-bandi yangi tahrirda berildi. Unga muvofiq Xalq ta'limi vazirligi va «El-yurt umidi» jamg‘armasiga 2020-2021 o‘quv yilidan boshlab Xalq ta'limi vazirligi uchun Davlat budjetida nazarda tutilgan maqsadli mablag‘lar, buyurtmachilarning budjetdan tashqari mablag‘lari va qonunchilik hujjatlari bilan taqiqlanmagan boshqa manbalar hisobiga (ilgari – «El-yurt umidi» jamg‘armasi mablag‘lari hisobidan) nemis, fransuz, ispan, yapon, koreys va xitoy tillari o‘qituvchilarini xorijiy mamlakatlarga malaka oshirishga yuborishni ta'minlash topshirildi.
Boshqa o‘zgartirish va qo‘shimchalar ham kiritilgan. Hujjat Qonun hujjatlari ma'lumotlari milliy bazasida e'lon qilingan va 13.08.2021 yildan kuchga kirdi.
