Yozning asosiy transferlari: ramziy jamoa

Serxio Ramos (erkin agent) «Real»dan «PSJ»ga
2020/2021 yilgi mavsum statistikasi: 21 öyin, 4 gol, 2 golli uzatma, 4 sariq kartoçka.

Erkin agentga aylangan 35 yoşli himoyaçi «PSJ» bilan ikki yillik şartnoma imzoladi, u bu klubda 4-raqamli futbolkada töp suradi. Parij klubiga ötiş uçun Ramos «Mançester Siti» va «Arsenal» klublari takliflarini rad etdi. Ispaniyalik himoyaçi hamon yangi klubi uçun debyut qilmadi, Cadena Ser ma'lumotiga köra, «PSJ»dagilar uning özini tutişidan norozi. Serxio jamoadoşlari va personal bilan munosabatlarda takabburlik qilayotgani aytilgan. Jamoadoşlari uning bunday manmanligiga toqat qilmoqçi emas, agar u munosabatini özgartirmasa, «PSJ» boş murabbiyi Maurisio Poçettino unga boşlanğiç tarkibdan joy kafolatlay olmaydi.

Rafael Varan (40 mln yevro), «Real»dan «Mançester Yunayted»ga
2020/2021 yilgi mavsum statistikasi: 41 öyin, 2 gol, 4 sariq kartoçka.

«Mançester Yunayted» ötgan mavsumda mudofaa çiziğidagi muammolardan qiynaldi, Varan esa klubga aynan markaziy himoyadagi muammolar hal etilişi uçun olib kelindi. Rafael Lindelyof bilan raqobatlaşadi va Maguayr bilan juftlik qilgan holda öynaydi. Himoyaçi «qizil iblislar» bilan tört yillik şartnomaga imzo çekdi, u endi «Real»dagi sobiq jamoadoşi Kriştianu Ronaldu bilan yana birgalikda töp suradi.

Varanning debyuti muvaffaqiyatli çiqdi: u «Vulverhempton»ga qarşi ğalabali öyinda (1:0) yagona gol muallifi bölgan Grinvudni töp bilan ta'minlagandi. «Varan jangovar holatdaligini namoyiş etdi va yuqori samaradorlik körsatdi. U «ikkinçi qavat»da töp uçun kuraşda kuçli, töp bilan ajoyib muomala qiladi. Varan şunçalik tajribaliki, uni heç narsa taşvişga sola olmaydi. U noqulaylik his qilmaydi, men uning öyinidan hayratdaman. Öylaymanki, u öz darajasini körsatdi», — deya yangi futbolçining öyiniga baho bergandi Sulşer.

David Alaba (erkin agent), «Bavariya»dan «Real»ga
2020/2021 yilgi mavsum statistikasi: 32 öyin, 2 gol, 3 golli pas.

Ispan grandlari bu yozda noodatiy taktika qöllaşdi — erkin agent sifatida tekinga keladigan futbolçilarga köproq e'tibor qaratildi. Alaba şunday futbolçilardan biri böldi. Avstriyalik himoyaçi bungaça faqat «Bavariya»da öynagan, bu klub bilan yutiş mumkin bölgan barça sovrinlarni yutib bölgaç, sönggi yillarda öz kuçini boşqa çempionatda sinab köriş istagida ekanini yaşirmayotgandi. «Real» esa uşbu futbolçining şartnomasi muddati tugaşini kutib, uni Myunxendan olib keldi.

Alaba köp yillar oldin jahon miqyosidagi yulduz bölib yetişgan, ammo unga «Real»da oson bölmaydi. Yozda jamoani ikki asosiy markaziy himoyaçilar — Serxio Ramos va Varan tark etdi. Oldindagi mavsumda David yoş futbolçilar bilan birgalikda himoyadagi muammolarni yeçişga harakat qilişi kerak böladi. «Real» çempionatni yaxşi boşladi, birinçi turda safarda «Alaves» yirik hisobda mağlub etildi (4:1). Alaba uçun ham debyut a'lo darajada keçdi — u 90 daqiqa davomida maydonda böldi va törtinçi gol urilganda Vinisiusga assistentlik qildi. Ammo keyingi turda «Xetafe»ga qarşi öyinda 3ta gol ötkazib yuborildi (3:3), faqat uçinçi turga kelib «Betis»ga qarşi öyinda darvoza daxlsizligi saqlab qolindi (1:0).

Rodrigo De Paul (35 mln yevro), «Udineze»dan «Atletiko»ga
2020/2021 yilgi mavsum statistikasi: 36 öyin, 9 gol va 9 golli pas.

APLda ikkita 100 mln yevrodan qimmat transfer amalga oşirilgan bölsa, Ispaniyada baholar ança kamtarroq böldi. Hayratlanarli jihati, La Ligadagi eng qimmat transfer «Real» yoki «Barselona» tomonidan emas, «Atletiko» tomonidan amalga oşirildi. «Matrasçilar» italyan klubiga Rodrigo De Paul uçun 35 mln yevro tölaşdi.

Argentinalik futbolçi allaqaçon «Udineze» darajasidan ösib ketgan va bir neça yildan buyon jamoani yolğiz özi yelkasida kötarib kelardi. 27 yoşli futbolçi terma jamoada ham öz darajasini namoyiş etdi va şu yozda Amerika Kubogida ğolib çiqib, nihoyat kuçliroq jamoaga ötadigan böldi. Mutaxassislar, Rodrigo Diyego Simeonening tizimiga ideal darajada mos kelişi haqida aytişgan. Şunday bölsa, «Atletiko» çempionlik titulini himoya qilişi yanada osonlaşadi.

De Paulning «Atletiko»da debyuti yomon çiqmadi. Birinçi turda «matrasçilar» safarda «Selta»dan ustun kelişdi (2:1). Argentinalik futbolçi zaxiradan maydonga tuşib 25 daqiqa öynadi. Ikkinçi turda esa «Elçe»ga qarşi öyinda (1:0) ğalaba golini urgan Korreaga assistentlik qildi. Uçinçi turda madridliklar «Vilyarreal»ga qarşi öyinda (2:2) oçko yöqotdi, de Paul sariq kartoçka oldi.

Jorjino Veynaldum (erkin agent), «Liverpul»dan «PSJ»ga
2020/2021 yilgi mavsum statistikasi: 38 öyin, 2 gol, 1 sariq kartoçka.

Top darajadagi erkin agentlar Parijga kelişi davom etadi. «Liverpul» va Niderlandiya termasi yetakçisi Jorjino Veynaldum mavsum davomida klubni tark etişini bildirgandi. Lekin uning rejalarida Parij giganti yöq edi. Veynaldum «Barselona»da öynaşni istagan, yozgaça u katalonlar klubida paydo bölişiga heç kim şubha qilmayotgandi, ammo sönggi lahzalarda «PSJ» varianti paydo böldi. Parijliklar unga ikki barobar köp maoş taklif etişdi. Niderlandiya termasi sardori poytaxt klubida 2024 yilga qadar töp suradi, uning yillik maoşi miqdori 10 million yevroga teng.

U Poçettino uçun ideal darajadagi yarimhimoyaçi –  pressing-kiborg, u bosim ostida töpni a'lo darajada özida saqlab turadi, raqib jarima maydoni hududiga xavfli uzatmalar amalga oşiradi. Faqat bir jihati bor: «PSJ» Poçettinoning avvalgi jamoalari kabi uslubda öynaydimi? Aftidan, yöq. Bu holda Jinining muvaffaqiyati töla kafolatlanmaydi.

Jyek Griliş (117,5 mln yevro), «Aston Villa»dan «Mançester Siti»ga
2020/2021 yilgi mavsum statistikasi: 27 öyin, 7 gol, 12 golli uzatma.

Grilişning transferi bir jihatdan De Paulnikiga öxşab ketadi. Köp yillardan buyon birmingemliklar jamoasida yetakçi bölgan, jamoa bilan Çempionşipda ham javlon urgan angliyalik yarimhimoyaçi nihoyat grand klub safiga ötdi. U 2021 yil yozidagi eng qimmatbaho transfer böldi. Griliş 5 avgust kuni «Man Siti» a'zosiga aylanib, 10-raqamli futbolkani oldi va olti yillik şartnomaga imzo çekdi. Jyek «şaharliklar» safida tört öyinda maydonga tuşib ulgurdi, «Norviç»ga qarşi öyinda gol urdi, «Arsenal»ning tor-mor etilişida iştirok etib, beşinçi golda Jyezusga assistentlik qildi. Yarimhimoyaçi özi dunyodagi eng yaxşi murabbiy deb biladigan Gvardiola bilan işlaşni juda istaganini aytdi va «Mançester Siti» bu mavsumda Çempionlar ligasida ğolib bölişiga işonçi komil ekanini bildirdi.

Romelu Lukaku (115 mln yevro), «Inter»dan «Çelsi»ga
2020/2021 yilgi mavsum statistikasi: 44 öyin, 30 gol, 10 golli uzatma.

«Inter» muxlislari Lukakuning «Çelsi»ga ketişidan qattiq norozi bölişdi. Belgiyalik forvard ingliz klubi bilan beş yillik şartnomaga imzo çekdi va Angliyaga qaytganidan keyingi ilk öyinidayoq «Arsenal» darvozasiga gol urdi.

Lukaku «Çelsi»ga ilk bor 2011 yil avgustida kelgan, öşanda Abramoviç klubi uning transferi uçun «Anderlext»ga 15 mln yevro tölagan. Romelu birinçi urinişda asosiy tarkibga kira olmagan, bir neça yilni «Vest Bromviç» va «Everton»da ijara asosida ötkazgan. 2014 yil yozida «Everton» «Çelsi»ga 35 mln yevro tölab, uning transfer huquqini sotib olgan. Keyinroq hujumçi Angliyaning boşqa bir jamoasi - «MYu»da ham öynagan, 2019 yilda Italiyaga ketgandi. Köklar uşbu futbolçini yozning eng qimmat ikkinçi transferini amalga oşirgan holda qaytarişdi, ammo Lukaku öziga tölangan pullarni oqlaşiga şubha yöq.

Lionel Messi (erkin agent), «Barselona»dan «PSJ»ga
2020/2021 yilgi mavsum statistikasi: 47 öyin, 38 gol, 14 golli uzatma.

Ulkan moliyaviy muammolar tufayli «Barselona» Messi bilan yangi şartnoma tuza olmadi. Dunyo miqyosidagi yulduz futbolçisini tarkibda saqlab qoliş uçun qilingan bir neça harakatdan keyin kök-anorranglilar taqdirga tan berişdi va argentinalik futbolçini qöyib yuborişdi. Futbolçi uçun asosiy da'vogarlar «PSJ» va «Mançester Siti» edi, Messi Fransiyaga yöl olişga qaror qildi.

29 avgust kuni «Barselona»ning sobiq forvardi «PSJ»ning «Reyms»ga qarşi öyinida uşbu çempionatdagi debyutini amalga oşirdi. Messi öyinga tez qöşilib ketdi va parijliklarning bir neça xavfli hujumlarida qatnaşdi, ammo darvoza sari aniq zarba yöllamadi. «Leo yaxşi öynadi. U hali özining eng yuqori formasidan uzoq, ammo u yaxşi şuğullanmoqda va xalqaro öyinlardan keyin top darajaga qaytadi», — dedi «PSJ» boş murabbiyi Poçettino.

Kriştianu Ronaldu (15 mln yevro), «Yuventus»dan «Mançester Yunayted»ga
2020/2021 yilgi mavsum statistikasi: 44 öyin, 36 gol, 4 golli uzatma.

Ronalduning «Old Trafford»ga qaytişi amalga oşdi. Kriştianu kambekni Fergyusonga bağişladi va «qizil iblislar» bilan ikki yillik şartnoma imzoladi. «Mançester Yunayted» portugaliyalik futbolçi özining sevimli yettinçi raqamli futbolkasida öynaşi uçun (ötgan mavsumda bu raqam Edinson Kavaniniki edi) Premer-ligadan ruxsat oldi. Kavani esa milliy jamoada bölgani kabi 21-raqam ostida harakatlanadi (avvalroq klub Deniyel Jyeymsni «Lids»ga sotib, bu raqamni böşatgandi).

Ronaldu şu kunlarda Portugaliya termasi bilan JÇ-2022 saralaşida Irlandiya darvozasiga dubl qayd etib, terma jamoa safidagi gollari sonini 111taga yetkazgan va eronlik Ali Dayining rekordini yangilab, milliy jamoalar miqyosida eng köp töp kiritgan futbolçiga aylanib olgandi. Ammo u şu öyinda ikkinçi golini nişonlaş vaqtida futbolkasini yeçgani uçun sariq kartoçka oldi va sariq kartoçkalar limiti bois 7 sentyabrda bölib ötadigan Ozarboyjonga qarşi öyinni ötkazib yuboradigan böldi, şu sababli u jamoa bazasini tark etdi. Uning «Old Trafford»ga qaytişi sentyabrning ikkinçi yarmida röy beradi.

Zaxira
Fikayo Tomori (29,2 mln yevro), «Çelsi»dan «Milan»ga
2020/2021 yilgi mavsum statistikasi: 17 öyin, 1 gol.

Italiya klublari kutilmagan transferlar amalga oşirişda davom etdi. Şunday transferlardan biri Fikayo Tomorining «Milan»ga ötişi böldi. Bu himoyaçi «Çelsi»da tarbiyalangan, qator klublarga ijaraga berilgan va asosiy jamoada vaqti kelişini kutgan. U ayrim mavsumlarda jamoada qolib, qator öyinlarda iştirok etgan. Yanvarda esa Fikayo «Milan»ga sotib oliş huquqi bilan 2 mln yevroga ijaraga berildi. Angliyalik futbolçilar Italiya çempionatida öynaşini yaqin-yaqinlargaça tasavvur qiliş qiyin edi. Ammo bu himoyaçi barça stereotiplarga ters tarzda, yangi ligada tez moslaşib ketdi va klub u uçun qariyb 30 mln yevroni ayamadi.

Yangi mavsumda «Milan» köp yillardan beri ilk bor barça frontlarda iştirok etadi — A Seriyada, Italiya Kubogida va Çempionlar ligasida. Şunday ekan, 23 yoşli Tomori köp öyin amaliyotiga va yanada ösişda davom etiş imkoniyatiga ega böladi.

Jyeydon Sanço (85 mln yevro), «Borussiya» Dortmunddan «Mançester Yunayted»ga
2020/2021 yilgi mavsum statistikasi: 38 öyin, 16 gol, 20 golli uzatma.

21 yoşli vinger Bundesligada sönggi mavsumlarni juda kuçli ötkazdi va futbolning hozirgi avlodidagi yorqin yulduzlardan biriga aylandi. Sanço «Mançester Siti» tarbiyalanuvçisi hisoblanadi, şu tufayli u «Yunayted»ga ötgaç, «qizil iblislar» jamoasi muxlislari özlarining azaliy raqiblarini mazax qiliş uçun Jyeydonning surati aks etgan quyidagiça yozuvli bannerni kötarişdi: «Töğri yöldagi Mançesterga xuş kelibsan». Angliyalik futbolçi «töğri yöldagi Mançester» bilan beş yillik şartnoma imzoladi va 25-raqamli futbolkani tanladi.

Uşbu yarimhimoyaçi Angliya çempionati startidagi uç öyinda ham maydonga tuşdi, ammo u hozirça «MYu» futbolkasida gol yoki golli uzatma muallifi bölgani yöq. Sulşer u sport formasini töliq tiklmagan deb hisoblab, uni faqat zaxiradan öyinga tuşirmoqda: «Jyeydonda Yevrodan keyin kiçik ta'til böldi, keyin esa soğligida kiçik muammolar kuzatildi. U biz bilan barça maşğulotlarda iştirok etmadi. U formasini tiklaşini kutişimiz kerak. Ammo mavsum davomida Sanço biz uçun juda muhim futbolçiga aylanadi», — dedi murabbiy.

Memfis Depay (erkin agent), «Lion»dan «Barselona»ga
2020/2021 yilgi mavsum statistikasi: 40 öyin, 22 gol, 12 golli uzatma.

Niderlandiya termasi hujumçisi kök-anorranglilar bilan ikki yillik şartnomaga imzo çekdi va kelişi bilanoq klub yetakçisiga aylandi. Startdagi uç uçraşuvda Depay ikki gol urdi va bir golga uzatma berdi. Messi ketgaç Memfis jamoaning asosiy yulduzi bölib qoldi va bu amalda ham kuzatilmoqda. U Primeradagi ilk samarali harakatini maydonga tuşişidan 19 daqiqa ötib amalga oşirdi. «Barselona»dagi moliyaviy muammolar tufayli uşbu hujumçi dastlabki kelişuvda nazarda tutilganidan 30 foiz kamroq maoş olişga rozilik bergan.

Antuan Grizmann, ijara, «Barselona»dan «Atletiko»ga
2020/2021 yilgi mavsum statistikasi: 51 öyin, 20 gol, 13 golli uzatma.

«Barsa»ning yöqotişlari bir Messi bilan çegaralanib qolmadi. Grizmann ham «Kamp Nou» bilan çiqişib keta olmadi va özini baxtiyor qiladigan jonajon klubiga qaytdi. Hozirça ijaraga. Klublar örtasidagi kelişuvga köra madridliklarda mavsum yakunida futbolçini sotib oliş huquqi bor. «Atletiko» uçun bu har qanaqasiga foydali transfer böladi: ikki yil oldin 120 mln yevroga sotilgan futbolçi keyingi yozda 40 mln yevro evaziga qaytişi mumkin. Qolaversa, fransuz futbolçisi hali endi 30 yoşda. Jurnalist Nikola Şiraning yozişiça esa futbolçi bilan 2026 yilga qadar şartnoma tuziş böyiça kelişuvga erişilgan. U bu muddat içida madridliklar bilan Ispaniya çempionatida ham, YeÇLda ham ğolib bölişi mumkin (unda hali bu sovrinlar yöq).

Eldor Şomurodov (17,5 mln yevro), «Jyenoa»dan «Roma»ga
2020/2021 yilgi mavsum statistikasi: 31 öyin, 8 gol, 1 golli uzatma.

Şomurodov «Jyenoa»da keçgan bir mavsumdan keyin yangi bosqiçga çiqdi va Joze Mourino qöli ostida şuğullanadigan böldi. Genuyaliklar özbek futbolçisi transferidan yaxşigina mablağ işlab olişdi, uning transferi «Rostov»ga ham 1,5 mln yevro keltirdi. 26 yoşda bölgan Eldor yangi klubida sovrinlar yutiş maqsadida ekanini aytdi.

«Roma»da Eldor asosiy hujumçi bölmaydi, «Inter»ga Lukaku örnini töldiriş uçun ketgan Edin Jyeko örniga Mourino «Çelsi»dan Temmi Abrahamni olib keldi. Özbekistonlik forvard mavsumoldi tayyorgarlik yiğinlari doirasidagi örtoqlik öyinlarida özining töpurarlik salohiyatini namoyiş etdi, qolaversa, Konferensiyalar ligasida «Trabzonspor»ga qarşi safar öyinida ğalaba goliga mualliflik qilib, rimliklarning guruh bosqiçiga çiqişiga hissa qöşdi. Ammo u A Seriya öyinlarida boşlanğiç tarkibda tuşmayapti - birinçi turda «Fiorentina»ga qarşi öyinda 21 daqiqa öyin amaliyotiga ega bölib, 1 golga uzatma berdi, «Salernitana»ga qarşi öyinda esa 13 daqiqa öynadi. U Mourino uçun ideal darajadagi rotatsiya öyinçisi böladi.