Boyovut tumani hokimi o‘rinbosari 51 yoshida vafot etdi

Sirdaryo viloyati Boyovut tumani hokimining o‘rinbosari — mahalla va oilani qo‘llab-quvvatlash bo‘limi boshlig‘i Saodat Mirzayeva 51 yoshida vafot etdi. Bu haqda tuman hokimligi axborot xizmati xabar berdi.

Saodat Mirzayeva 1969 yilda Sirdaryo viloyati Boyovut tumanida tug‘ilgan. U mehnat faoliyati davomida maktabgacha ta'lim, umumiy o‘rta ta'lim maktablarida tarbiyachi, o‘qituvchi, maktab direktorining ma'naviy-ma'rifiy ishlar bo‘yicha o‘rinbosari lavozimlarida faoliyat yuritgan.

U 2020 yil 26 iyundan buyon Boyovut tumani hokimi o‘rinbosari lavozimida ishlab kelayotgan edi.