16:52 / 22.09.2021
11275
Ижара, прописка, фуқаролик бериш бўйича вазият эсимизда – президент

Шавкат Мирзиёев Хоразмда бўлиб ўтаётган учрашув чоғида ёшлигида бошидан ўтказган синовларни эслаб ўтди.

“Талабалигимда, ишни бошлаган пайтларимда ижарада турганман. Болам билан уйсизликда яшаш муаммосини мен жуда яхши биламан. Шунинг учун уй-жой қуришга кўп эътибор бераман. Яқин-яқинда ҳам прописка муаммоси бор эди. Мен ўзим ҳам бундан азият чекканман. Ишлайман, Тошкентда яшайман, лекин айбим Тошкентда туғилмаганим бўлган. Мана, ҳозир ҳамма тенг ҳуқуқли, пойтахт пропискаси керак бўлса олаверади. Фуқаролик беришни эслайлик. 30 йиллаб Ўзбекистонда яшаганга фуқаролик бермаслик адолатданми?

Мураккаб ва муҳим жараён олдида турибмиз. Сайлов ҳуқуқи, танлов сизларда. Президентлик – аввало, эл-юртнинг юксак ишончини оқлаш, дегани. Ушбу жараёнларда фаол иштирок этасиз ва масъулият билан ўз танловингизни билдирасиз, деб ишонаман”, – деди Шавкат Мирзиёев.

Top