Xitoyning Geely avtokompaniyasi smartfon ishlab chiqarishni yo‘lga qo‘ymoqda

Xitoyning avtomobil ishlab chiqaruvchi Geely kompaniyasi smartfon ishlab chiqarish biznesini yo‘lga qo‘ymoqda, deb yozadi CNBC.

Geely Holding asoschisi Erik Li Hubei Xingji Shidai Technology deb nomlangan yangi kompaniyani tashkil etdi. 

Geely’ning smartfon bozoriga kirishi uning yangi sohalarni o‘zlashtirishga urinayotganini ko‘rsatadi, deya qayd etadi CNBC.

Kompaniya smartfonlari qaysi brend ostida va qachondan ishlab chiqarilishi haqida ma'lumot berilmagan.

Sentyabr boshlarida Xitoyning Xiaomi kompaniyasi elektrmobillar ishlab chiqaruvchi Xiaomi EV kompaniyasini ro‘yxatdan o‘tkazgandi.