Toshkentda ayrim ko‘chalarda transport harakati vaqtincha cheklanadi

Toshkent shahrida triatlon bo‘yicha xalqaro musobaqa o‘tkaziladi. Bu haqda poytaxt IIBB xabar bermoqda.

Shu munosabat bilan yo‘llarning bir qismi transport harakati uchun 9 oktyabr kuni soat 06:00 dan 18:00 gacha va 10 oktyabr kuni soat 06:00 dan 15:00 ga qadar yopiladi.

Ushbu ko‘chalar:

• KHAY va Ko‘rgazma ko‘chalari kesishmasidan — Ch. Aytmatov ko‘chasigacha;
• KHAY va Sh.Rashidov ko‘chalari kesishmasidan - Osiyo va Ch. Aytmatov ko‘chalari kesishmasigacha.

Tirbandliklarning oldini olish uchun haydovchilarga aylanma yo‘llardan foydalanish tavsiya etilgan.