10:08 / 26.10.2021
23611
АҚШ Ўзбекистондаги президентлик сайловлари бўйича баёнот берди

АҚШ Давлат департаменти Ўзбекистондаги президентлик сайлови натижаларини эътироф этган ҳолда, ЕХҲТ қўшма миссияси баёнотига қўшилишини билдирди.

Фото: Kun.uz

“Америка Қўшма Штатлари Ўзбекистон халқининг 24 октябр куни бўлиб ўтган президентлик сайловларида овоз бериш ҳуқуқидан фойдаланганини қўллаб-қувватлайди. Биз ЕХҲТ ДИИҲБ кузатув миссиясининг овоз бериш жараёнлари тинч ўтгани ва сайловчиларнинг юқори фаоллиги ҳақидаги фикрларига қўшилган ҳолда, ЕХҲТ миссиясининг сайловлар ҳаддан ташқари чекланган сиёсий муҳитда ўтгани ва сайловнинг муҳим кафолатлари эътиборга олинмагани ҳақидаги баёнотлари борасида ҳам ҳамфикрмиз.

Қўшма Штатлар Ўзбекистон ҳукуматининг ЕХҲТ ДИИҲБ кузатув миссияси билан яхшиланган ҳамкорлигини олқишлайди ҳамда ЕХҲТнинг сайловларга доир, шунингдек, фуқаролик ва сиёсий ҳуқуқларни таъминлаш борасидаги тавсияларини ҳаётга татбиқ этишга чақириб қолади. Биз Ўзбекистон ҳукумати билан икки томонлама ҳамда минтақавий аҳамиятга молик шу ва бошқа масалаларда ҳамкорликни давом эттириш тарафдоримиз”, - дейилади баёнотда.

Мавзу
Сайлов-2021
Сайлов қонунчилигига киритилган ўзгартишларга кўра сайловлар октябр ойи учинчи ўн кунлигининг биринчи якшанбасида ўтказилиши белгиланди. 2021 йилги президентлик сайлови 24 октябрга тўғри келмоқда.
Барчаси
Top