Yakshanba kuni yomg‘ir yog‘adi, tog‘li hududlarda kuchli yog‘ingarchilik kuzatiladi - «O‘zgidromet»

Bugun respublika bo‘yicha 7-12 daraja bo‘lgan harorat bilan iliq va quruq ob-havo bo‘lishi kutilmoqda. Bu haqda “O‘zgidromet” xabar berdi.

Ertaga respublika hududining katta qismida yog‘ingarchiliksiz ob-havo saqlanib turadi, faqat shimoliy hududlarga Kaspiy dengizi hududlaridan nam havo massalari kirib keladi, buning hisobiga faqat kechki soatlarda Qoraqalpog‘istonda va Xorazm viloyatida biroz yomg‘ir yog‘ishi kuzatiladi. Havo harorati kechasi 2 daraja sovuq-3 daraja iliqni tashkil etadi, kunduzi 14-17 daraja iliqqacha ko‘tariladi.

Yakshanba kuni aksariyat viloyatlarda yomg‘ir yog‘ishi kuzatiladi. Tog‘larda yog‘ingarchilik, ba’zi joylarda kuchli bo‘ladi. Respublika shimolida yomg‘ir yog‘ishi ertalab to‘xtaydi. Harorat kechasi 0-5 daraja iliq atrofida bo‘ladi, kunduzi 8-13 daraja iliqqacha pasayadi.

Respublika bo‘yicha ba’zi joylarga tuman tushishi kutilmoqda.