12:54 / 27.01.2022
14823
«Ўзгидромет» чанг бўрони тўғрисида огоҳлантириш билан чиқди

Жорий йилнинг 28-29 январь кунлари Ўзбекистон ҳудудига Эрон ҳудудларидан Каспий денгизи ва Туркманистон орқали нам ва салқин ҳаво массаси кириб келиши кутилмоқда.

Фото: Kun.uz

Ҳарорат ва атмосфера босимининг нисбатан градиентлари вужудга келиши кутилмоқда. Шунинг ҳисобига Тошкент вилояти Бўстонлиқ туманининг баъзи жойларида шамол тезлиги 17-22 м/с гача кучайиши кутилмоқда, натижада мазкур ҳудудда чанг бўрони ва ғуборлар кузатилиши мумкин.

28-29 январда республика бўйича баъзи жойларда шамол кучайиши кутилмоқда, жумладан, 28 январда Қорақалпоғистонда, Хоразм, Тошкент, Самарқанд, Сирдарё вилоятларида 17-22 м/с гача, 28 январда Бухоро, Навоий, Қашқадарё, Жиззах вилоятларида 17-22 м/с гача, айрим жойларда 25-28 м/с гача кучайиши мумкин, 29 январда Сурхондарё, Фарғона, Наманган, Андижон вилоятларида шамол тезлиги 17-22 м/с гача кучайиши кутилмоқда.

28-29 январда республика ҳудудлари бўйича баъзи жойларда ёмғир ёғади, айрим жойларда қорга айланиши мумкин. Тоғолди ва тоғли ҳудудларда ёғингарчилик (ёмғир, қор) бўлади, баъзи жойларда кучли бўлиши мумкин.

Top