Seshanba kungi savdolarda bir unsiya oltin narxi 0,4 foizga oshib, 1879,5 dollarga yetgan.
Oltinning birja narxi so‘nggi sakkiz oydagi maksimumgacha ko‘tarildi, chunki Rossiya va G‘arb o‘rtasidagi keskinlikning kuchayishi himoya aktivlariga bo‘lgan talabni oshirdi, deb xabar berdi Reuters.
Qayd etilishicha, seshanba kungi savdolarda bir unsiya oltin narxi 0,4 foizga oshib, 1879,5 dollarga yetgan. Bu o‘tgan yil iyunidan buyon taklif etilgan eng yuqori narx hisoblanadi.
Nyu-Yorkdagi Comex birjasida bir unsiya oltin narxi 1877,25 dollarni tashkil etgan. Savdolar davomida oltin narxi maksimumgacha ko‘tarilib, 1881,6 dollarga teng bo‘lgan.
Oltin narxi Rossiya mudofaa vazirligi mashg‘ulotlarda qatnashayotgan harbiylar doimiy joylariga qaytishni boshlagani haqida ma’lum qilganidan so‘ng pasaydi. Comex birjasida bir unsiya oltin narxi 1861,5 dollarga teng bo‘ldi.
Odatda investorlar oltinga kapitalni geosiyosiy nizolardan himoya qiluvchi vosita deb qarashadi.
