Yangihayot tumanida 152 ming dollarlik yuk konteynerlarini qo‘lga kiritgan firibgar aniqlandi

Bosh prokuratura huzuridagi Departamentning xabar berishicha, Yangihayot tumanida tadbirkorlik sub’yektlarining huquqlarini himoya qilish yuzasidan o‘tkazilgan tergovga qadar tekshiruvda, fuqaro A.Sh. va boshqalar logistika faoliyati bilan shug‘ullanuvchi “W.G.” xorijiy kompaniya vakolatxonasi rahbari S.K.ning ishonchiga kirib, 76 dona umumiy qiymati 152 ming dollarlik yuk konteynerlarini firibgarlik yo‘li bilan qo‘lga kiritganligi aniqlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

Avvalroq, Rossiyadan Toshkentga yuborilgan 7 ta vagon-sisternadagi benzinni o‘g‘irlagan shaxslar ushlanganligi xabar qilingan edi.