Metroda o‘zini poyezd tagiga tashlagan erkak voqea joyida vafot etgan

“24 fevral kuni soat 21:15 larda Toshkent metropolitenining “Mirzo Ulug‘bek” bekatida Sirdaryo viloyati, Sardoba tumanida yashagan, 1984 yilda tug‘ilgan E.Sh. harakatlanib ketayotgan elektropoyezdning tagiga tashlab, olgan tan jarohatlari oqibatida voqea joyida vafot etgan”, deyiladi xabarda.

Ma’lum qilinishicha, hozirda tergovga qadar tekshirish harakatlari olib borilmoqda.

Avvalroq, Toshkent metrosida erkak o‘zini poyezd tagiga tashlagani tufayli poyezdlar harakati to‘xtab qolgani xabar berilgandi. 

Metropoliten matbuot xizmati xabar berishicha, voqea soat 21:00 larda sodir bo‘lgan. Natijada “Chilonzor” yo‘lining bir tomonida poyezdlar harakati vaqtincha to‘xtatib qo‘yilgan.

23 fevral kuni “Abdulla Qodiriy” metro bekatida poyezd to‘xtab qolgandi. Voqea joyida bo‘lgan Kun.uz muxbiri vagonlarda bo‘lgan taxminan 200 nafar yo‘lovchi bekatga tushirilgani, yarim soatdan keyin boshqa poyezd yo‘lovchilarni olib ketgani haqida xabar bergandi.