Foto: Videodan kadr
Namangan shahrida joylashgan Chorsu dehqon bozoridagi oshxonalardan birining yerto‘lasida yong‘in chiqqan. Bu haqda Namangan viloyati FVB axborot xizmati xabar bermoqda.
Qayd etilishicha, voqea joyiga 2 ta yong‘in-qutqaruv ekipaji yetib kelgan. So‘ng yong‘in kattaligi sabab qo‘shimcha yong‘in-qutqaruv avtomashinalari jalb etilgan.
Hozirda yong‘inni bartaraf etish choralari ko‘rilmoqda.
“Yong‘in sababi, zarari aniqlanadi va qo‘shimcha ma’lumot taqdim etiladi”, - deyiladi xabarda.
Avvalroq, Namangandagi xonadonda yong‘in yuz berganligi xabar qilingan edi.
