Tojikiston O‘zbekiston bilan chegaradagi nazorat-o‘tkazish punktlari faoliyatini odatiy ish rejimiga o‘tkazmoqda

Tojikiston-O‘zbekiston chegarasidagi nazorat-o‘tkazish punktlari odatiy ish rejimiga o‘tkaziladi. Bunday qaror Tojikistonda koronavirus tarqalishining oldini olish bo‘yicha shtab tomonidan qabul qilingan. 

«2022 yil 15 martdan Tojikistonning O‘zbekiston bilan davlat chegarasi o‘tkazish punktlari faoliyati odatiy rejimga o‘tkaziladi, yuqumli kasalliklar bo‘yicha nazorat esa faqat COVID-19 bo‘yicha to‘liq emlanganlik haqidagi sertifikat asosida, Tojikistonda koronavirus testidan o‘tmasdan amalga oshiriladi», — deyiladi shtab xabarida.

Mamlakat fuqarolari va Tojikistonga kiruvchi xorijliklar faqat uch kun davomida amal qilish muddatiga ega bo‘lgan, chiqish mamlakatidan koronavirus uchun salbiy natijaga ega sertifikat taqdim etishi lozim bo‘ladi. 

Qayd etilishicha, Tojikiston davlat chegarasi orqali o‘tish punktlarida qayta tekshirish talab etilmaydi.

Bu qaror «Tojikistonda epidemiologik vaziyatning normallashuvi hamda mintaqa davlatlari bilan iqtisodiy va ijtimoiy aloqalarni yanada mustahkamlash maqsadida» qabul qilingan. 

«O‘zbekiston, shuningdek, boshqa MDH davlatlarining sog‘liqni saqlash organlari va muassasalari tomonidan berilgan COVID-19’ga qarshi emlanganlik sertifikati rasman tan olinadi», — deyiladi xabarda. 

Shuningdek, shtab tomonidan majburiy niqob taqish tartibi bekor qilinib, to‘y va boshqa milliy marosimlarni amaldagi qonunchilikka muvofiq o‘tkazishga ruxsat berildi.