Qoʻshimcha funksionallar
-
Tungi ko‘rinish
Chovusho‘g‘li Lavrov va Kuleba uchrashuvidan "mo‘jiza kutmaslik" kerakligini aytdi
Turkiya tashqi ishlar vazirining so‘zlariga ko‘ra, Rossiya va Ukraina tashqi ishlar vazirlarining uchrashuvi murakkab vaziyatda o‘tgan.
Foto: AP
Turkiya Antalyada Rossiya tashqi ishlar vaziri Sergey Lavrov va Ukraina tashqi ishlar vaziri Dmitriy Kuleba o‘rtasida bo‘lib o‘tgan uchrashuvdan tezkor natija kutmaslikka chaqiradi. Bu haqda Turkiya tashqi ishlar vaziri Mavlud Chovusho‘g‘li ma’lum qildi.
"Bu uchrashuvdan mo‘jiza kutishning keragi yo‘q, ammo muhimi, ushbu darajadagi muloqotlar boshlandi. Bu vazirlar darajasidagi dastlabki muzokara", - dedi u.
Chovusho‘g‘li oxir-oqibat bu muloqot Rossiya va Ukraina rahbarlari darajasidagi uchrashuvga aylanishini qayd etdi.
Uning so‘zlariga ko‘ra, Rossiya va Ukraina tashqi ishlar vazirlarining uchrashuvi murakkab vaziyatda o‘tdi.
"Uchrashuv murakkab vaziyatda bo‘lib o‘tdi, ammo Rossiya va Ukraina o‘rtasida hech qanday keskinlik bo‘lmadi", - dedi Chovusho‘g‘li.
Uning aytishicha, "suhbat davomida hech kim ovozini ko‘tarmagan".
Turkiyaning Antalya provinsiyasida diplomatik forum bo‘lib o‘tmoqda. Forum doirasida Chovusho‘g‘li ishtirokida Lavrov va Kuleba o‘rtasida uchrashuv bo‘lib o‘tdi.
Rossiya-Ukraina urushi
Mavzuga oid
13:59
«Qoidalarni ‘kollektiv G‘arbʼ emas, uning bitta vakili yozmoqda» – Lavrov AQSh, NATO va Tramp haqida
11:54
Lavrov Rossiyaning Qrimni qo‘shib olishini AQShning Grenlandiya bo‘yicha rejalari bilan taqqosladi
10:15 / 30.12.2025
Lavrov Ukrainani «Putinning qarorgohiga hujum qilish»da aybladi. Bu haqda nimalar ma’lum?
17:00 / 28.12.2025