Iroq shimolidagi Arbil shahrida joylashgan AQSh bosh konsulxonasi binosi atrofiga bir necha raketa kelib tushdi.
Iroq milliy axborot agentligi ma’lumotiga ko‘ra, shaharda kamida uch marta portlash ovozlari eshitilgan.
Hujum oqibatida konsulxona binosi yaqinida joylashgan Kurdistan 24 telekanali binosi shikastlangan. Shuningdek, mahalliy aeroport faoliyati to‘xtatilgan.
Qurbonlar va jabrlanuvchilar haqida xabar berilmadi.
Tasdiqlanmagan ma’lumotlarga ko‘ra, raketalar Eron hududidan uchib kelgan.
AlHadath ma’lumotiga ko‘ra, Arbilga raketalar uchirilishi Suriyada eronlik ikki zobit Isroil harbiy-havo kuchlari tomonidan yo‘q qilinishiga javoban amalga oshirildi.
