Toshkentning Beshyog‘och va Olmazor ko‘chasi Navro‘z kuni qisman yopiladi

Navro‘z bayrami o‘tkazilishi munosabati bilan Toshkentning Beshyog‘och va Olmazor ko‘chasi qisman yopiladi.

Poytaxt IIBB xabariga ko‘ra, 21 mart kuni soat 06:00 dan 15:00 gacha bo‘lgan vaqt oralig‘ida:

• Beshyog‘och ko‘chasi Furqat ko‘chasidan Afrosiyob ko‘chasigacha bo‘lgan oraliqda;
• Olmazor ko‘chasi Islom Karimov ko‘chasidan Beshyog‘och ko‘chasigacha bo‘lgan oraliqda transport vositalarining harakati vaqtincha to‘xtatiladi.

Ushbu ko‘rsatilgan vaqt oralig‘ida fuqarolari aylanma yo‘llardan foydalanishlari mumkin.