Qashqadaryoda o‘quvchi qiz bayram tadbiri paytida vafot etdi

Ijtimoiy tarmoqlarda Qashqadaryodagi maktablardan birida Navro‘z bayrami tadbirlarida qatnashib turgan qizning qo‘qqisdan yiqilib vafot etgani tasvirlangan video tarqaldi. Holat yuzasidan XTV axborot xizmati munosabat bildirdi.

Videodan kadr

Munosabatda yozilishicha, Xalq ta’limi vazirligi tomonidan olingan dastlabki ma’lumotlarga ko‘ra, vafot etgan qiz 2005 yilda tug‘ilgan bo‘lib, Mirishkor tumanidagi 33-maktabning 10-sinfida tahsil olgan.

U bolaligidan tutqanoq (epilepsiya) bilan xastalangan bo‘lgan. O‘quvchining hushidan ketish holati kuzatilgan vaqtida maktab ma’muriyati tomonidan shoshilinch tez tibbiy yordamga murojaat qilingan.

«Hozirda tegishli organlarning mas’ullari tomonidan o‘rganish ishlari amalga oshirilmoqda. Holat yuzasidan qo‘shimcha ma’lumot beriladi», deyiladi XTV axborot xizmati munosabatida.

#tadbir #o‘quvchi #maktab