16:52 / 11.04.2022
6693
Финландия ва Швеция ёзда НАТОга қўшилиши мумкин 

Финландия июнда, Швеция эса ундан кейиноқ НАТОга кириш учун ариза бериши кутилмоқда. 

Фото: Ognen Teofilovski / Reuters

Финландия ва Швеция жорий йил ёзида НАТОга кириши мумкин, деб хабар берди The Times газетаси ўз манбаларига таяниб. 

Нашр суҳбатдошларининг сўзларига кўра, алянсга аъзо мамлакатлар ташқи ишлар вазирларининг ўтган ҳафтада бўлиб ўтган учрашувида бу икки давлатнинг НАТОга аъзо бўлиши мавзуси муҳокама қилинган.

Финландия июнда, Швеция эса ундан кейиноқ НАТОга кириш учун ариза бериши кутилмоқда.

Агар Финландия НАТОга кирадиган бўлса, у алянснинг барча аъзолари ичида Россия билан энг узун чегарага эга мамлакатга айланади. Икки давлат чегарасининг узунлиги 1340 километр бўлиб, чегара чизиғи Санкт-Петербургдан атиги 200 километр масофадан ўтган.

Top