Davlat soliq qo‘mitasi axborot xizmatining xabar berishicha, Prezident Farmoyishi bilan Shukrulloxon Xolmatxonovich Nisbatxonov Qashqadaryo viloyati davlat soliq boshqarmasi boshlig‘i lavozimiga tayinlangan.
Shu munosabat bilan u Farg‘ona viloyati davlat soliq boshqarmasi boshlig‘i lavozimidan ozod etilgan.
Davlat soliq qo‘mitasi raisi buyrug‘i bilan Faxriddin Muhammadiyev yangi tashkil etilgan Ko‘kdala tumani davlat soliq inspeksiyasi boshlig‘i etib tayinlangan. Mazkur tayinlovgacha u Qashqadaryo viloyati davlat soliq boshqarmasi boshlig‘i o‘rinbosari vazifasida ishlagan.
Ma’lumot uchun, shu paytgacha Qashqadaryo viloyati davlat soliq boshqarmasi boshlig‘i lavozimida ishlab kelgan Alisher Qodirov Qashqadaryo viloyati hokimi o‘rinbosari etib tayinlangandi.
