BMT bosh kotibi Moldova prezidenti bilan uchrashdi

Antoniu Guterrishning ma’lum qilishicha, BMT ukrainalik qochqinlar soni o‘sishi bilan bog‘liq gumanitar inqiroz sababli Moldovani qo‘llab-quvvatlashni kengaytiradi.

Foto: Anadolu Agency

BMT bosh kotibi Antoniu Guterrish Kishinyovga tashrifi doirasida Moldova prezidenti Mayya Sandu bilan uchrashdi.

«Moldova xalqining sa’y-harakatlarini, Ukrainadagi urushdan qochganlarga nisbatan saxiyligi va birdamligini olqishlayman», - deb yozdi Guterrish Twitter sahifasida.

Uning ma’lum qilishicha, BMT ukrainalik qochqinlar soni o‘sishi bilan bog‘liq gumanitar inqiroz sababli Moldovani qo‘llab-quvvatlashni kengaytiradi.

BMTning oxirgi ma’lumotlariga ko‘ra, Rossiya bilan urush boshlanganidan buyon Ukrainani 5 mln 890 mingdan ortiq inson tark etgan. Moldovaga 457 mingga yaqin Ukraina fuqarosi o‘tgan.