Qoʻshimcha funksionallar
-
Tungi ko‘rinish
Namanganda YPX xodimi “shantaj” qilishga urindi
Ijtimoiy tarmoqlarda YPX xodimi va fuqaro o‘rtasida tortishuv aks etgan tasvirlar tarqaldi. Namangan viloyati IIB xodimga nisbatan xizmat tekshiruvi o‘tkazilayotganini ma’lum qildi.
Qayd etilishicha, tasvirdagi holat 18 may kuni Namangan shahar I.Karimov ko‘chasiga tungi xizmatga jalb etilgan YPX inspektori S.Ahrolov bilan yuz bergan.
YPX xodimi tomonidan haydovchidan avtomashinasini old va orqa oynalarini qoraytirib olgani sababli hujjatlarini tekshirish maqsadida hujjatlari so‘ralgan. Shu vaqtda inspektor va haydovchi o‘rtasidagi muloqot yozib olingan.
Haydovchi tegishli hujjatlarni taqdim qilgan; mashinaning old va orqa oynalari yorug‘lik o‘tkazuvchanligi moslama yordamida o‘lchab ko‘rilgan. Old oynasi 51 foiz va orqa oynalari 100 foiz ekani aniqlanib, haydovchiga ruxsat berilgan.
“Ushbu xodim bilan bog‘liq tarqalgan videolar bo‘yicha surishtiruv harakatlari olib borilmoqda”, – deyiladi xabarda.
Avvalroq Namanganda YHXB xodimi qonunga zid ravishda haydovchiga elektroshoker qo‘llagandi. Unga nisbatan ham xizmat tekshiruvi tayinlangani aytilgandi. Ammo natijasi hozirga qadar ma’lum qilinmadi.
Mavzuga oid
10:06 / 24.11.2024
Halollik mukofoti: yo‘ldan topilgan 5 ming dollarni egasiga qaytargan haydovchi haqida hikoya
18:44 / 12.11.2024
Xitoyda avtomobil odamlar ustiga bostirib borishi oqibatida 35 kishi halok bo‘ldi
17:02 / 12.11.2024
Piskentda haydovchining ehtiyotsizligi oqibatida qariyb 16 ming tup olxo‘ri daraxti yonib ketdi
14:15 / 12.11.2024