07:55 / 10.06.2022
4257

AKT vaziri AQSh IT-kompaniyalarini O‘zbekistonda mintaqaviy ofislarni ochishga taklif etdi

9 iyun kuni axborot texnologiyalari va kommunikatsiyalarini rivojlantirish vaziri Sherzod Shermatov AQShning O‘zbekistondagi favqulodda va muxtor elchisi Daniel Rozenblyum bilan uchrashib, IT-park yangi qurilayotgan majmuasida olib borilayotgan ishlar bilan tanishtirdi.

Foto: Axborot texnologiyalari va kommunikatsiyalarini rivojlantirish vazirligi

Uchrashuvda IT-park yangi qurilayotgan majmuasi va «Astrum» IT-akademiyasi faoliyati haqida taqdimot o‘tkazildi. Unda AKT sohasining infratuzilmasi tubdan yangilanayotgani, bu esa dunyodagi katta IT-kompaniyalarni jalb etib, IT-parkni yaxlit kompleks tarzda rivojlantirish, IT-vakillari uchun qulay muhit yaratish maqsad qilinayotgani tushuntirildi.

Foto: Axborot texnologiyalari va kommunikatsiyalarini rivojlantirish vazirligi
Foto: Axborot texnologiyalari va kommunikatsiyalarini rivojlantirish vazirligi

Shundan so‘ng AKT vaziri elchini IT-parkning yangi qurilayotgan majmuasi bilan tanishtirdi. Bu yerda yoshlarni yetakchi xorijiy kompaniyalarga masofadan turib xizmat ko‘rsatish kasbiga, ya’ni autsorsing xizmatlarini ko‘rsatishga o‘rgatish, xorijning yetakchi IT-kompaniyalarini O‘zbekistonga jalb qilish, mamlakatni mintaqaviy IT-markazga aylantirish maqsad qilingani aytib o‘tildi.

Foto: Axborot texnologiyalari va kommunikatsiyalarini rivojlantirish vazirligi

Tanishtiruv jarayonida axborot texnologiyalari va kommunikatsiyalarini rivojlantirish vaziri Sherzod Shermatov AQShning O‘zbekistondagi favqulodda va muxtor elchisi Daniel Rozenblyumga Amerikaning IT-kompaniyalarini O‘zbekistonda mintaqaviy ofislarini ochishga taklif etdi.

Foto: Axborot texnologiyalari va kommunikatsiyalarini rivojlantirish vazirligi
Foto: Axborot texnologiyalari va kommunikatsiyalarini rivojlantirish vazirligi
Top