«O‘zbekiston temir yo‘llari» Rossiya bilan tiklanayotgan poyezdlar harakati haqida rasman ma’lum qildi
Rossiya bilan yo‘lovchi poyezdlarning harakati qayta tiklanmoqda. Bu haqda “O‘zbekiston temir yo‘llari” xabar berdi.
Qayd etilishicha, 2022 yil 23 iyundan boshlab 5/6-sonli «Toshkent – Samara – Toshkent» yo‘nalishida yo‘lovchi poyezdi harakatlanishi boshlanadi.
5/6-sonli «Toshkent – Samara – Toshkent» poyezdi haftaning payshanba kuni soat 19:05 da «Toshkent-Markaziy» temiryo‘l vokzalidan jo‘nab ketadi va shanba kuni soat 18:14 da Rossiyaning «Samara» temiryo‘l vokzaliga yetib boradi.
Shuningdek, Samaradan yakshanba kuni soat 16:11 da jo‘nab ketib, «Toshkent-Markaziy» vokzaliga seshanba kuni soat 16:56 da yetib keladi.
Ma’lumot uchun, Toshkentdan Samaragacha temiryo‘l orqali bo‘lgan masofa 2271 kilometrni tashkil etadi. Poyezd 48 soat davomida harakatlanadi. 5/6-sonli «Toshkent – Samara – Toshkent» yo‘nalishida yo‘lovchi poyezdi 11 ta vagondan iborat: 3 kupe, 7 platskart va vagon-restoran.
Chipta narxi to‘g‘risidagi ma’lumotni, sotuv muddatiga qarab chegirmalarni hisobga olgan holda, www.chipta.railway.uz, www.e-ticket.railway.uz saytlari orqali bilib olish mumkin.
Mavzuga oid
15:10
Nemis OAV Boltiq dengizida Rossiyaning josusligi haqida ma’lumot berdi
08:40
Zelenskiy BMTda: Rossiyani tinchlikka faqat majburlash mumkin
22:59 / 24.09.2024
Mang‘istov-Nukus yo‘nalishida harakatlanayotgan poyezdda yong‘in yuz berdi
22:57 / 24.09.2024