O‘zbekiston Afg‘onistonga insonparvarlik yordami yubordi

O‘zbekiston prezidenti Shavkat Mirziyoyev topshirig‘iga binoan Afg‘onistonga navbatdagi insonparvarlik yordami yuborildi.

Foto: KUN.UZ

Kun.uz muxbirining voqea joyidan xabar berishicha, bu qo‘shni Afg‘onistonda ro‘y bergan zilzila oqibatida jabr ko‘rganlarga yordam ko‘rsatish maqsadida amalga oshirildi.

Qayd etilishicha, oziq-ovqat mahsulotlari, birlamchi zarur predmetlar va medikamentlardan iborat jami 74 tonna yuk ortilgan samolyot Afg‘onistonga jo‘nab ketdi.

Bundan oldin 2021 yil noyabridan beri Termiz orqali Afg‘onistonga 42 ming tonnaga yaqin oziq-ovqat mahsulotlari yetkazilgani xabar qilingandi.