“Migratsiya markazida yollanma ishchi sifatida faoliyat yuritib kelgan xodim bilan mehnat shartnomasi bekor qilingan”, – deyiladi Tashqi mehnat migratsiyasi agentligi xabarida.
Avvalroq ma’lum bo‘lgandiki, A.G‘. 2022 yil 1 iyunda ishlash maqsadida Voronej shahriga borgan va hujjatlarini rasmiylashtirish uchun 28 iyunda Migratsiya markaziga murojaat qilgan. Markaz xodimi esa barmoq izini olish asnosida uni turtkilagan, ko‘kragiga tirsagi bilan zarba bermoqchi bo‘lgandek qo‘rqitgan.
Voqeani O‘zbekiston fuqarosi M.I. tasvirga olgan va Tashqi mehnat migratsiyasi agentligining Voronejdagi vakiliga taqdim etgan.
Shu hafta boshida Rossiya Davlat dumasi raisi Vyacheslav Volodin Oliy Majlis Qonunchilik palatasi spikeri Nurdinjon Ismoilov bilan uchrashuvda 1,8 mln o‘zbekistonlik Rossiyada ishlayotganini aytgandi.
