Pedagoglar attestatsiyasi uchun hujjatlar qabuli 1 avgustdan boshlanadi

Ikkinchi yarim yillikda o‘tkaziladigan pedagoglar attestatsiyasi uchun hujjatlar qabuli 1 avgustdan boshlanadi. Bu haqda Ta’lim inspeksiyasi xabar berdi.

Foto: Ta’lim inspeksiyasi

Inspeksiya axborot xizmati rahbari Shavkat Xo‘jaqulov Axborot va ommaviy kommunikatsiyalar agentligida o‘tkazilgan 2022 yilning birinchi yarmida o‘tkazilgan pedagog kadrlar attestatsiyasi natijalari bo‘yicha brifingda jarayon to‘g‘risida ma’lumot berdi.

Joriy yilning 1 avgust kunidan boshlab, ikkinchi yarim yillikda o‘tkaziladigan pedagog kadrlar attestatsiyasida ishtirok etish uchun hujjatlar qabul qilish boshlanadi.

Ushbu sinovlarda ishtirok etish uchun pedagoglar inspeksiyaning pedkadr.tdi.uz sayti yoki my.gov.uz yagona interaktiv davlat xizmatlari portali yoki Davlat xizmatlari markazlari orqali murojaat yuborishi mumkin.