Toshkentda «Gazel» yonib ketdi

Foto: Favqulodda vaziyatlar vazirligi

Toshkent shahri Yakkasaroy tumanida 23 iyul kuni «Gazel» yuk avtomobili yonib ketdi. Favqulodda vaziyatlar vazirligi holat yuzasidan ma’lumot berdi.

Unga ko‘ra, soat 19:35 da Yakkasaroy tumani Bobur ko‘chasidagi ko‘prik ustida harakatlanib ketayotgan «Gazel» rusumli yuk avtomobilida yong‘in sodir bo‘layotgani to‘g‘risida shahar FVBga xabar kelib tushgan.

Shundan so‘ng 2 ta yong‘in-qutqaruv ekipaji soat 19:39 da voqea joyiga yetib borgan va yong‘in soat 19:44 da o‘chirilgan. Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.