1 yanvardan aholi barcha qatlamini zilzilaga tayyorlash tizimi joriy etiladi

Vazirlar Mahkamasining “Aholi barcha qatlamini zilzilaga tayyorlash tizimini tashkil etish to‘g‘risida”gi qarori loyihasi e’lon qilindi.

O‘zbekistonda aholi barcha qatlamini zilzilaga tayyorlash tartibi to‘g‘risidagi nizom, O‘zbekistonda aholi barcha qatlamini zilzilaga tayyorlashga mo‘ljallangan milliy elektron platformani yuritish hamda malaka oshirish va qayta tayyorlash kurslarini o‘tkazish tartibi to‘g‘risidagi nizom tasdiqlanadi.

Vazirliklar, idoralar, Qoraqalpog‘iston Vazirlar Kengashi, viloyatlar, Toshkent shahar hokimliklari:

• 2023 yil 1 yanvardan boshlab aholi barcha qatlamlarini milliy elektron platformadagi malaka oshirish o‘quv kurslari orqali zilzilaga tayyorlash tadbirlari olib borilishini yo‘lga qo‘yadi va tayyorgarlikdan o‘tganlar monitoringini yuritadi;
• aholi barcha qatlamlarini zilzilaga amaliy jihatdan tayyorlashni joylarda o‘tkaziladigan o‘quv-mashqlari orqali amalga oshirish amaliyotini izchil davom ettiradi.

Davlat boshqaruvi organlari, mahalliy ijroiya hokimiyati organlari, boshqa davlat tashkilotlari rahbarlari, mas’ul mutaxassislari, qutqaruv xizmatlari, qutqaruv va fuqaro muhofazasi tuzilmalari, ular tarkibiga kirmagan xodim va xizmatchilarni hamda harbiy xizmatchilarni tayyorlash, ular tomonidan o‘tkaziladigan o‘quv mashqlari va mashg‘ulotlarini moliyalashtirish, ushbu tashkilotlarga har yili ajratiladigan budjet mablag‘lari doirasida, budjetdan tashqari mablag‘lari hamda qonun hujjatlarida taqiqlanmagan boshqa manbalar hisobiga amalga oshiriladi.