Чемпионлар лигаси 1-тури доирасидаги «Динамо» Загреб - «Челси» (1:0) ўйинидан кейин Лондон клуби немис мутахассисини истеъфога чиқарди.
Фото: Getty Images
Германиялик мураббий қўл остидаги жамоа ЕЧЛ стартини мағлубият билан бошлашдан ташқари, АПЛда ҳам яхши натижа кўрсата олмаяпти – 6 ўйинда 3 ғалаба, 2 мағлубият ва 1 дуранг қайд этиб, 6-ўринни эгаллаб турибди.
Тухель 2021 йилнинг январь ойидан буён «Челси»ни бошқариб келаётган эди. У лондонликлар бошқарувида Чемпионлар лигаси, Европа Суперкубоги ва клублар ўртасидаги ЖЧда ғолиб чиқди.
Маълумот учун, «Челси» навбатдаги ўйинини 10 сентябрь куни «Фулҳэм»га қарши ўтказади.
