Qozog‘iston elchisining O‘zbekistondagi missiyasi yakunlandi

O‘zbekiston tashqi ishlar vaziri Vladimir Norov mamlakatdagi diplomatik missiyasini yakunlayotgan Qozog‘iston favqulodda va muxtor elchisi Darxon Sotiboldini qabul qildi.

Foto: UzA

Uchrashuvda elchining O‘zbekiston – Qozog‘iston yaxshi qo‘shnichilik, strategik sheriklik va ittifoqchilik munosabatini mustahkamlashga qo‘shgan hissasi e’tirof etildi.

Vazir D.Sotiboldini Turkiston viloyati hokimi lavozimiga tayinlangani bilan tabriklab, unga kasbiy faoliyatida muvaffaqiyat tiladi.

Tomonlar turli sohalardagi amaliy hamkorlikni kengaytirish istiqbolini muhokama qildilar.

Elchi O‘zbekiston tomoniga diplomatik faoliyatini amalga oshirishda qo‘llab-quvvatlagani va yaratilgan sharoitlar uchun chuqur minnatdorlik bildirdi.

U, shuningdek, do‘st bo‘lib qolish barobarida O‘zbekiston – Qozog‘iston aloqasini mustahkamlash uchun barcha sa’y-harakatni amalga oshirishga tayyorligini bildirdi.

Tayyorlagan: Отабек Матназаров

#Qozog‘iston #Darxon Sotiboldi