2022 yilda Pepsi brendi har yili o‘tkaziladigan "Ta’mlar jangi" — Pepsi Taste Challenge'da yana bir bir bor mutlaq g‘oliblikni qo‘lga kiritdi. Xuddi shu chellenjning yakuni munosabati bilan musiqa va do‘stlik kechasi, barchaga manzur ichimlikning bayrami tashkil etildi.
Ulkan open air – Pepsi Music Fest 9 sentabr kuni Hyatt mehmonxonasining ochiq maydonida taniqli san’atkorlar va DJlar ishtirokida boshlandi. O‘yin-kulgi va sovg‘alarga boy festival yilning eng yorqin musiqiy voqeligiga aylandi, deyish mumkin.
Ayniqsa, Pepsi Music Fest mutlaqo bepul ekanini hisobga olsak, Toshkentda bunday yirik miqyosdagi, ijro sifati yuqori tadbirlar ko‘p emas.
Festival mezbonlar va maxsus mehmon – KVN Oliy ligasi chempioni, Osiyo MIX jamoasi yetakchisi Eldiyar Kenensarovning kirish so‘zi bilan boshlandi. Fest davomida Davron Kabulov va Jahongir Xo‘jayev shouranner sifatida chiqish qilishdi.
Bayram mehmonlari kundan kunga ortib bordi, ochiq maydonda hamma jonli musiqa ritmida raqsga tushdi. Raqs jamoalarining chiqishlari esa festivalning yanada yorqin o‘tishiga sabab bo‘ldi.
Bayramona atmosfera, jahonga taniqli yulduzlar va ko‘tarinki kayfiyat Pepsi Music Fest'ning haqiqiy bezagi edi. Bu safar bitta tadbir formatida bir emas, uch xalqaro selebriti – Gayazov$ Brother$, Minelli va HammAli& Navai qo‘shiqlari yangradi.
Festivalda, shuningdek, Pepsi Taste Challenge–2022 reklama kampaniyasi ambassadori – Abbbose maxsus mehmon sifatida ishtirok etdi.
Fest mehmonlari – DJ King Macarella, DJ Sam, DJ Frost, DJ Pashkov, DJ Safronov va DJ Geraning jonli musiqiy vayblari mehmonlarni raqsga chorladi va maydon nafaqat chiroqlar, balki yorqin, samimiy hislar bilan ham yorishib ketdi.
